تۇركيادا قازاق دياسپوراسىنىڭ وكىلدەرىمەن بيزنەس-فورۋم وتەدى

نۇر-سۇلتان. قازاقپارات - «وتانداستار قورى» 2019 -جىلدىڭ 31 -شىلدەسى كۇنى تۇركيانىڭ ىستانبۇل قالاسىندا قازاق دياسپوراسى وكىلدەرىمەن بيزنەس-فورۋم وتكىزۋدى جوسپارلاپ وتىر، دەپ حابارلايدى قازاقپارات.

فورۋم اياسىندا «قازاق مادەني-ىسكەرلىك ءۇيىنىڭ» قورى مەن جوباسىنىڭ تانىستىرىلىمىن وتكىزۋ كوزدەلگەن. بۇدان بولەك، ستارتاپتاردى، وتانداستاردىڭ بيزنەس جوبالارى مەن باستامالارىن قولداۋ تەتىكتەرىن تالقىلاۋ جوسپارلانعان. سونىڭ ىشىندە وتانداستاردىڭ بيزنەس جوبالارى مەن باستامالارىن قازاقستاندا دا ىلگەرىلەتۋدىڭ ناقتى تەتىكتەرى، سونداي-اق ولاردى حالىقارالىق نارىقتارعا شىعارۋعا كومەك كورسەتۋ جايىندا دا اڭگىمە وربىمەك.

ءىس-شاراعا «وتانداستار قورى» ك ە ا ق ءبىرىنشى ۆيتسە-پرەزيدەنتى تالعات ادۋوۆ، «El Tiregi» قازاقستاندىق شاعىن جانە ورتا بيزنەس قاۋىمداستىعى» زاڭدى تۇلعالار بىرلەستىگىنىڭ باسقارما ءتوراعاسى اسقار ابۋباكىروۆ، «Business مەن Travel Central Asia» اتقارۋشى ديرەكتورى دىنمۇحاممەد زياتبەكوۆ قاتىساتىن بولادى.

اۆتور: قانات مامەتقازى ۇلى