جارتى جىلدا قازاقستانعا قانشا قانداس كوشىپ كەلدى

None
None
نۇر-سۇلتان. قازاقپارات - بيىلعى جىلدىڭ العاشقى التى ايىندا قازاقستان اۋماعىنا 7000 عا جۋىق قانداس كوشىپ كەلگەن، دەپ حابارلايدى قازاقپارات ءتىلشىسى.

ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ دەرەگىنە سۇيەنسەك، جارتى جىلدىڭ ىشىندە شەتەلدەن ەلىمىزگە 6796 ادامنان تۇراتىن 4244 وتباسى كوشىپ كەلگەن. كوش باسىندا وزبەكستان قازاقتارى تۇر. اتالمىش ەلدەن 6 ايدا 2355 وتباسى، ياعني، 3800 ادام قونىس اۋدارعان. قىتايدان 1553 مۇشەسى بار 1005 وتباسى تاريحي وتاندارىنا ورالعان. بەلسەندى ەلدەردىڭ ۇشتىگىن تۇرىكمەنستان تۇيىندەپ تۇر. بۇل ەلدەن 532 ادامنان تۇراتىن 282 جانۇيا كوش باعىتىن قازاقستانعا بۇرعان.

سونداي-اق، موڭعوليادان 402 قازاق، رەسەيدەن 145 قازاق، يراننان 62 قازاق، قىرعىز رەسپۋبليكاسىنان 46 قازاق، تاجىكستاننان 11 قازاق، تۇركيادان 3 قازاق، وزگە دە شەت مەملەكەتتەردەن 239 قازاق قازاقستانعا كوشىپ كەلگەن.

اۆتور: ەسىمجان ناقتىباي

سوڭعى جاڭالىقتار