شەكاراداعى اۋدانداردى قايتا قۇرۋ قاجەت - ەرلان سايروۆ

نۇر-سۇلتان. قازاقپارات - ەرلان سايروۆ جۋرناليستەرگە ۇلتتىق قوعامدىق سەنىم كەڭەسىنە قالا مۇشە بولعانىن ايتىپ بەردى، دەپ حابارلايدى قازاقپارات ءتىلشىسى.

ب ا ق وكىلدەرىنىڭ ۇلتتىق كەڭەس قۇرامىنا قاتىستى ساۋالدارىنا جاۋاپ بەرگەن ەرلان سايروۆ ۇيىمعا ءوزىنىڭ قالاي مۇشە بولعانىن ايتىپ بەردى.

«جەكە ماعان ۇلتتىق كەڭەس تۋرالى جارلىق شىعاردان ەكى كۇن بۇرىن پرەزيدەنت كەڭەسشىسى حابارلاسىپ، ۇسىنىس ايتتى. مەن ۇسىنىستى قابىلداي وتىرىپ، ءوزىمنىڭ ءتورت ماسەلە بويىنشا ۇستانىمىمدى ايتتىم. ولاردىڭ ىشىندە سايلاۋ، ميتينگتەر، ساياسي پارتيالار جانە ب ا ق تۋرالى زاڭداردى بويىنشا فۋندامەنتالدى ۇسىنىستار بار»، - دەدى ول.

ساراپشى شەكاراداعى اۋدانداردىڭ جاعدايىن جاقسارتۋ ءۇشىن ۇلتتىق كەڭەس اياسىندا قانداي ۇسىنىستاردى مەملەكەت الدىنا قوياتىنىن دا ايتتى.

«تاريحتان بەلگىلى ءبىر زاڭدىلىق بار. شەكارانى شەكاراشىلار عانا ەمەس، جەرگىلىكتى حالىق تا كۇزەتۋى كەرەك. سوندا عانا ول شەگەندى بولادى. شىعىستاعى كاتونقاراعاي، مارقاكول، اقسۋات، ماقانشى وڭىرلەرىنەن ەل ۇدەرە كوشىپ كەتكەن. مىسالى بۇرىنعى مارقاكول اۋدانىندا وسىدان 30 جىل بۇرىن 27 مىڭ ادام تۇرعان. قازىر تەك 6 مىڭ ادام قالعان. مۇنى گۋمانيتارلىق پروبلەما دەپ تە اتاۋعا بولادى. ءدال وسىنداي پروبلەما الماتى وبلىسىندا دا بار. بۇل ماسەلەنى شەشۋ ءۇشىن كەزىندە قىسقارىپ قالعان اۋدانداردى قايتا قۇرۋ قاجەت. سودان كەيىن شەكارالىق ايماقتاردى دامىتۋ جونىندەگى مەملەكەتتىك باعدارلاما جاساۋ كەرەك. بۇل وتە ماڭىزدى. ۇلتتىق كەڭەستە بۇل ماسەلە دە تالقىلاناتىن بولادى»، - دەدى ەرلان سايىروۆ.