13:04, 22 - شىلدە 2019 | GMT +6
تالعات قاليەۆ ورتالىق كوممۋنيكاتسيالار قىزمەتىن باسقارادى
نۇر- سۇلتان. قازاقپارات - مەملەكەت باسشىسى قاسىم- جومارت توقايەۆتىڭ وكىمىمەن تالعات قاليەۆ ق ر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ باسشىسى بولىپ تاعايىندالدى، دەپ حابارلايدى قازاقپارات اقورداعا سىلتەمە جاساپ.
«تالعات بەگىم ۇلى قاليەۆ قازاقستان رەسپۋبليكاسىنىڭ پرەزيدەنتى جانىنداعى «ورتالىق كوممۋنيكاتسيالار قىزمەتى» رەسپۋبليكالىق مەملەكەتتىك مەكەمەسىنىڭ ديرەكتورى قىزمەتىنە تاعايىندالدى»، دەلىنگەن قۇجاتتا.
تالعات قاليەۆ «جاستار» عىلىمي- زەرتتەۋ ورتالىعىنىڭ ديرەكتورى، ساياسي عىلىمدار كانديداتى، ۇلتتىق قوعامدىق سەنىم كەڭەسىنىڭ قۇرامىنا ەنگەن.
ەسكە سالا كەتسەك، بۇگىن مەملەكەت باسشىسى ق ر پرەزيدەنتى جانىنداعى «ورتالىق كوممۋنيكاتسيالار قىزمەتى» رەسپۋبليكالىق مەملەكەتتىك مەكەمەسىن قۇرۋ جونىندەگى جارلىققا قول قويدى.