قازاقستاندىق جاۋىنگەرلەر ەۋروپانىڭ ەڭ بيىك شىڭىن باعىندىرماق
دەپ حابارلايدى قازاقپارات ءتىلشىسى قورعانىس مينيسترلىگىنە قاراستى ورتالىق سپورت كلۋبىنىڭ باسپا ءسوز قىزمەتىنە سىلتەمە جاساپ.
«حالىقارالىق بايقاۋ 29 - شىلدە مەن 16 - تامىز ارالىعىندا وتەدى. جەكە قۇرام تولىق دايىندىقتان ءوتتى. ياعني اسكەري قىزمەتكەرلەردىڭ جەكە دايارلىعىن جەتىلدىرۋ جانە بولىمشەلەردى رەتتەۋ، جەكە قۇرامدى بەيىمدەۋ، قوزعالىس باعىتىن ۇيرەنۋ، سونداي- اق، تاۋدا قۇتقارۋدى ۇيىمداستىرۋدى پىسىقتاۋ بويىنشا پراكتيكالىق ساباقتار وتكىزىلدى. بارىنشا كۇش سالىپ، ۇزدىك ناتيجە كورسەتۋگە تىرىسامىز»، - دەدى ق ر ق م ا و س ك تاۋ دايىندىعى ورتالىعى اسكەري دايىندىق ءبولىمىنىڭ باستىعى، كوماندا كاپيتانى، مايور امانجول راحمەتوۆ.
بيىل حالىقارالىق ارميا ويىندارى ازەربايجان، ارمەنيا، بەلارۋس، ءۇندىستان، يران، قازاقستان، قىتاي، موڭعوليا، رەسەي جانە وزبەكستان اۋماعىندا ۇيىمداستىرىلادى. بايقاۋعا 34 ەلدەن 216 كوماندا قاتىسادى دەپ كۇتىلۋدە.
