مەملەكەت باسشىسى: وتاندىق وندىرۋشىلەردىڭ گالستۋكتەرىن تاعامىن

نۇر-سۇلتان. قازاقپارات - ءبىز ءۇشىن وتاندىق تاۋار وندىرۋشىلەرگە قولداۋ كورسەتكەن ماڭىزدى. بۇل تۋرالى مەملەكەت باسشىسى قاسىم-جومارت توقايەۆ «31- ارنادا» كورسەتىلگەن «پرەزيدەنت 2.0» دەرەكتى فيلمىندە ايتتى، دەپ حابارلايدى قازاقپارات ءتىلشىسى.

رەسەيلىك جۋرناليست الەكسەي پيۆوۆاروۆ قازاقستان پرەزيدەنتىنەن «گالستۋك، كوستيۋم تىگەتىن سۇيىكتى فيرماڭىز بار ما؟» دەپ سۇرادى.

ءوز كەزەگىندە مەملەكەت باسشىسى وتاندىق كيىمدەردى كيەتىنىن ايتتى.

«قازىر وتاندىق وندىرۋشىلەردىڭ گالستۋگىن تاعىپ ءجۇرمىن. قازاقستاندا وسىنداي ساپالى ءونىم شىعارۋدى ۇيرەندى. وسى ورايدا وتە ساپالى گالستۋكتەر تىگىپ، ساتاتىن فيرما بار. ءدال قازىر تاعىپ جۇرگەن گالستۋك الماتىدا تىگىلگەن. ءبىز ءۇشىن وتاندىق تاۋار وندىرۋشىلەرگە قولداۋ كورسەتكەن ماڭىزدى. جالپى، گالستۋك تاققاندى ۇناتامىن»، - دەدى قاسىم-جومارت توقايەۆ.