+7 (701) 759 90 19 Лента
16 °С : نۇر-سۇلتان
13 °С : الماتى
USD 386.91 EUR 428.81
RUB 5.79 CNY 54.79
جاڭالىقتار

قىتايدا جەمقورلاردى قالاي اتقانىن كوردىم - مەملەكەت باسشىسى

22 شىلدە 09:17 255
:ءبولىسۋ
قىتايدا جەمقورلاردى قالاي اتقانىن كوردىم - مەملەكەت باسشىسى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ «31- ارنادان» كورسەتىلگەن «پرەزيدەنت 2.0» دەرەكتى فيلمىندە جەمقورلىق تۋرالى ايتتى، دەپ حابارلايدى قازاقپارات ءتىلشىسى.

رەسەيلىك جۋرناليست الەكسەي پيۆوۆارپەن سۇحبات بارىسىندا ق ر پرەزيدەنتى جەمقورلىق ءۇشىن ءولىم جازاسىنا كەسىلگەندەردى ءوز كوزىمەن كورگەنىن جەتكىزدى.

«ءبىر رەت جەمقورلىقپەن ۇستالعان ادامداردىڭ ستاديوندا اتىلعانىن كوردىم. ونداي دا بولعان. اسەرى اۋىر ەندى. جۇك ماشيناسىنان كوزدەرى بايلاۋلى ادامداردى ءتۇسىرىپ اكەلدى دە، ۇكىمدەرىن وقىپ شىقتى. ءار ادامنىڭ جەلكەسىنەن اتتى. بۇل 1988-جىلى قىتايدىڭ وڭتۇستىگىندەگى قالالاردىڭ بىرىندە بولدى»، - دەپ ەسكە الدى پرەزيدەنت.

قاسىم-جومارت توقايەۆ مۇنداي جازاعا قاتىستى ءوزىنىڭ پىكىرىن ءبىلدىردى.

«ءبىر جاعىنان مۇندايدى كورۋدىڭ ءوزى اۋىر. ەكىنشى جاعىنان سىناپ تا وتىرعان جوقپىن. بۇل سول مەملەكەتتىڭ تاريحي جانە مادەني ءداستۇرى. ەگەر وسىنداي ءتاسىل قولدانباسا، ەلدەگى جاعدايدى باقىلاۋدا ۇستاي الماي قالۋى مۇمكىن. ايتپاقشى، ول جاقتا تەك جەمقورلىق ءۇشىن عانا ەمەس، توناۋ، قاراقشىلىق، زورلىق كورسەتۋ سياقتى قىلمىستار ءۇشىن دە اتۋ جازاسى قولدانىلادى»، - دەدى پرەزيدەنت.

ايتا كەتەيىك، قاسىم-جومارت توقايەۆ «31» ارنادان ءجۇرىپ جاتقان «پرەزيدەنت 2.0» دەرەكتى فيلمىندە پرەزيدەنت لاۋازىمىنا قالاي بوي ۇيرەتكەنىن دە ايتتى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات