توقايەۆ بايقوڭىردىڭ قازاقستان ءۇشىن ماڭىزىن اتادى
«بىرىنشىدەن، بايقوڭىر ارقىلى رەسەيمەن تىعىز بايلانىستامىز. ماسكەۋدە، كرەملدەگى تاياۋدا وتكەن كەلىسسوزدەر بارىسىندا بۇل تاقىرىپ قوزعالدى. ۆ. پۋتين ەكى ەل اراسىنداعى بۇل سەرىكتەستىككە جاقسى قارايدى. سوعان وراي تاپسىرمالار بەرەدى. وسى كەلىسسوزدەردىڭ ناتيجەسىندە مەن «روسكوسموس» باسشىسى دميتري روگوزيندى قابىلدادىم»، - دەدى مەملەكەت باسشىسى.
قازاقستان پرەزيدەنتى ەكى ەلدىڭ اراسىندا بولاشاقتا جۇزەگە اسىرىلاتىن ۇلكەن جوسپارلارى بار ەكەندىگىن اتاپ ءوتتى.
«بايقوڭىر - قازاقستاننىڭ شىن مانىندە عارىشتىق دەرجاۆا نەمەسە عارىشتىق مەملەكەت ەكەنىنىڭ كۋاسى»، - دەدى قاسىم-جومارت توقايەۆ.
قازاقستان پرەزيدەنتى بۇكىل الەم بويىنشا جەر استىندا بولسىن، ۇستىندە بولسىن ءبىر پوليگوندا 450 دەن استام جارىلىستىڭ بولماعاندىعىن اتاپ وتەدى.
«ەڭ باستىسى جەرگىلىكتى تۇرعىندارعا جارىلىس تۋرالى، قانداي دا ءبىر شارا قولدانۋ تۋرالى ەسكەرتۋ جاسالماعان. جەردى دەزاكتيۆاتسيا جاساماعان. بۇل يادرولىق جارىلىستاردىڭ زاردابى ءالى كۇنگە دەيىن سەزىلىپ كەلەدى. سوندىقتان ەلباسى نۇرسۇلتان ءابىش ۇلى نازاربايەۆ سوۆەت وداعىنىڭ تۇسىندا-اق ءوز جارلىعىمەن بۇل پوليگوندى جابۋ تۋرالى شەشىم قابىلداعان. سودان بەرى ب ۇ ۇ باس اسسامبلەياسىنىڭ شەشىمىمەن 29- تامىز الەم بويىنشا يادرولىق قارۋدى سىناۋعا تىيىم سالۋ كۇنى رەتىندە اتالىپ وتىلەدى»، - دەدى مەملەكەت باسشىسى.