+7 (701) 759 90 19
-9 °С : نۇر-سۇلتان
-2 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

ق ر پرەزيدەنتى ەسىمىن نەگە قاسىم-جومارت دەپ قويعانىن ايتتى

22 شىلدە 07:55
:ءبولىسۋ
ق ر پرەزيدەنتى ەسىمىن نەگە قاسىم-جومارت دەپ قويعانىن ايتتى

نۇر-سۇلتان. قازاقپارات - ۇجىمداستىرۋ تاقىرىبىن كوتەرۋدىڭ ساياسي استارى جوق. بۇل تۋرالى مەملەكەت باسشىسى قاسىم-جومارت توقايەۆ «31- ارنادا» كورسەتىلگەن «پرەزيدەنت 2.0» دەرەكتى فيلمىندە ايتتى، دەپ حابارلايدى قازاقپارات ءتىلشىسى.

دەرەكتى فيلم بارىسىندا قازاقستان پرەزيدەنتى ۇجىمداستىرۋ جىلدارىندا باسقا حالىقتارعا قاراعاندا قازاقتاردىڭ كوپ زارداپ شەككەنىن، 5 ميلليون حالىقتىڭ 2,5 ميلليونى قىرىلىپ قالعانىن ايتادى.

«سوندىقتان بۇل تاقىرىپ قازىر كوتەرىلىپ جاتىر. الايدا ەشقانداي ساياسي استارى جوق. دراماعا اينالدىرۋ، قىسىم جاساۋ، اسىرەسە، ورىستارعا قارسى ارەكەتتەردىڭ دە جوق ەكەنىن اتاپ ايتقىم كەلەدى. ويتكەنى، ۇجىمداستىرۋ كەزىندە قازاق حالقىنىڭ قىرىلۋىنا ورىس حالقىنىڭ، ءتىپتى بيلىكتەگى ورىستاردىڭ تۇك قاتىسى بولماعان»، - دەدى مەملەكەت باسشىسى.

قاسىم-جومارت توقايەۆ دەرەكتى فيلم كەزىندە اتاسى جايلى دا ءسوز قوزعادى.

«اتام نان تاۋىپ كەلۋگە كەتكەن. ال كەلگەن كەزدە كەنجە قىزىنىڭ پەشكە ءتۇسىپ، ءولىپ قالعانىن كورەدى. سول كەزدە ول 2-3 جاستاعى بالا بولعان. ال بايبىشەسى سال بولىپ قالعاندىقتان ەشتەڭە ىستەي الماعان. مۇنى كورگەن اتام ۇيدەن شىعىپ كەتىپ، سودان قايتىپ ورالماعان. ال ەكى ۇلى، اكەم مەن اعاسى قاسىم مەنىڭ اتىمدى اكەمنىڭ اعاسىنىڭ قۇرمەتىنە قاسىم-جومارت دەپ قويعان. ەكەۋى بالالار ۇيىنە وتكىزىلەدى، سوسىن ينتەرناتتا وقيدى. مەكتەپ بىتىرگەن سوڭ ەكەۋى دە سوعىسقا اتتانادى. ەكىنشى دۇنيەجۇزىلىك سوعىستا قاسىم اعام ايگىلى رجيەۆ شايقاسىندا كوز جۇمدى. اعام تۆەر وبلىسى، رجيەۆ اۋدانى، ترۋبينو اۋىلىندا جەرلەنگەن. اكەم ونى ىزدەگەن. ءبىراق ول كەزدە كوپ قۇجات قۇپيا ساقتالدى، ونىڭ ىشىندە رجيەۆ شايقاسى تۋرالى قۇجاتتار دا بار. تەك 2000-جىلداردىڭ ورتاسىندا، ر ف قورعانىس مينيسترلىگىنىڭ پودولسكىدەگى مۇراعاتتارى اشىلعاندا عانا جەرلەنگەن جەرى انىقتالدى. مەن الماتىدا جەرلەنگەن اكەمنىڭ بەيىتىنەن ءبىر ۋىس توپىراق الىپ، باۋىرلاستار زيراتىندا جەرلەنگەن اعامنىڭ بەيىتىنە اپارىپ شاشتىم. ول جەردەن ءبىر ۋىس توپىراق الىپ، الماتىعا اكەلدىم»، - دەپ ەسكە الادى مەملەكەت باسشىسى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات