جاۋىن، بۇرشاق، جەل - دۇيسەنبىگە ارنالعان اۋا رايى
اتموسفەرالىق اۋا اعىنداردىڭ وتۋىنە بايلانىستى قازاقستاننىڭ باسىم بولىگىندە تۇراقسىز اۋا رايى ساقتالادى. كەي جەرلەردە نايزاعاي جانە جاڭبىر كۇتىلەدى، تەك وڭتۇستىك-باتىستا جانە وڭتۇستىكتە جاۋىن-شاشىنسىز اۋا رايى بولجانادى.
رەسپۋبليكانىڭ كەي جەرلەرىندە جەل كۇشەيەدى، بۇرشاق جاۋۋى مۇمكىن، سولتۇستىكتە جانە ورتالىقتا داۋىل كۇتىلەدى، وڭتۇستىك-باتىستا شاڭدى داۋىل، سولتۇستىك-باتىستا تۇمان تۇسەدى.
اقمولا، سولتۇستىك قازاقستان، پاۆلودار، قوستاناي وبلىستارىنىڭ كەي جەرلەرىندە نايزاعاي، داۋىل، بۇرشاق كۇتىلەدى، جەل 15-20 م/س كۇشەيەدى، پاۆلودار وبلىسىنىڭ كەي جەرلەرىندە تۇمان كۇتىلەدى.
قاراعاندى، كۇندىز باتىس-قازاقستان، اتىراۋ، شىعىس قازاقستان وبلىستارىنىڭ كەي جەرلەرىندە نايزاعاي، بۇرشاق جاۋىپ، جەلدىڭ جىلدامدىعى15-20 م/س جەتەدى.
الماتى، جامبىل، قىزىلوردا، كەي جەرلەردە تۇركىستان، ماڭعىستاۋ، باتىس قازاقستان، اقتوبە، قاراعاندى وبلىستارىنىڭ كەي جەرلەرىندە قاتتى ىستىق كۇتىلەدى.
قىزىلوردا، تۇركىستان، اقتوبە، كەي جەرلەردە جامبىل، الماتى، قاراعاندى، شىعىس قازاقستان، قوستاناي وبلىستارىنىڭ كەي جەرلەرىندە وتە جوعارى ءورت قاۋىپى ساقتالادى.