قاسىم-جومارت توقايەۆ ەۋروپا كوميسسياسىنىڭ ءتوراعاسىنا تابىس تىلەدى

نۇر-سۇلتان. قازاقپارات - قاسىم-جومارت توقايەۆ ۋرسۋلا فون دەر ليايەندى ەۋروپا كوميسسياسىنىڭ ءتوراعاسى بولىپ سايلانۋىمەن قۇتتىقتادى، دەپ حابارلايدى اقوردانىڭ باسپا ءسوز قىزمەتى.

مەملەكەت باسشىسى ءوزىنىڭ قۇتتىقتاۋ جەدەلحاتىندا ەۋروپالىق وداق ۋرسۋلا فون دەر ليايەننىڭ باسشىلىعىمەن ىشكى جانە سىرتقى ساياساتتا جاڭا جەتىستىكتەرگە جەتەتىنىنە سەنىم ءبىلدىردى.

«كەلەشەگى بار ءارتۇرلى سالالاردا سىزبەن بىرلەسىپ جۇمىس ىستەيتىنىمىزگە ۇمىتتەنەمىن جانە الداعى جىلدارداعى ماڭىزدى باستامالارىمىزدى جۇزەگە اسىرۋدا ءسىزدىڭ تاراپىڭىزدان قولداۋ بولادى دەپ سانايمىن»، - دەپ جازدى قازاقستان پرەزيدەنتى.

قاسىم-جومارت توقايەۆ ەۋروكوميسسيا ءتوراعاسىنا اماندىق، جاۋاپتى قىزمەتىنە مول تابىس تىلەدى.