مەملەكەت باسشىسى ەۋروپا كەڭەسىنىڭ جاڭا ءتوراعاسى شارل ميشەلدى قۇتتىقتادى

None
None
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ شارل ميشەلدى ەۋروپالىق كەڭەس ءتوراعاسى لاۋازىمىنا سايلانۋىمەن قۇتتىقتادى، دەپ حابارلايدى اقوردا.

قاسىم-جومارت توقايەۆ شارل ميشەلگە ەۋروپالىق كەڭەس ءتوراعاسى لاۋازىمىنا سايلانۋىنا وراي قۇتتىقتاۋ جەدەلحاتىن جولدادى.

«بۇگىندە ءبىزدىڭ ەكىجاقتى قارىم-قاتىناستارىمىز تىڭ سەرپىن الدى. ەۋروپالىق كەڭەس قازاقستاننىڭ نەگىزگى ساياسي جانە ساۋدا سەرىكتەسى بولىپ قالا بەرەدى. سەرىكتەستىكتى كەڭەيتۋ جانە ىنتىماقتاستىق جونىندەگى كەلىسىم، سونداي-اق، ەۋروپالىق كەڭەستىڭ ورتالىق ازيا بويىنشا جاڭارتىلعان ستراتەگياسى تىعىز قاتىناستارىمىزدىڭ جاڭا كەزەڭىنە جانە ءوڭىردىڭ ورنىقتى دامىپ، ءوسىپ وركەندەۋىنە كەڭ جول اشادى، - دەلىنگەن جەدەلحاتتا.

قاسىم-جومارت توقايەۆ شارل ميشەلدىڭ قىزمەتىنە تابىس تىلەپ، نۇر-سۇلتان مەن بريۋسسەل اراسىندا كوپجاقتى ىنتىماقتاستىقتى ودان ءارى ىلگەرىلەتۋگە سەنىم ءبىلدىردى.

سوڭعى جاڭالىقتار