ەلوردا اكىمدىگىندە ازاماتتاردى قابىلدايتىن كابينەت اشىلدى
بۇل تۋرالى اكىم ورىنباسارى باقتيار ماكەن Іnstagram پاراقشاسىندا جازدى.
«اكىمگە جانە ورىنباسارلارىنا جازىلعان ازاماتتاردىڭ سانى وتە كوپ. ەندى ارىپتەستەرىمىزبەن كەستەگە سايكەس جازىلعان ازاماتتاردى كەزەگىمەن قابىلدايمىز. بۇگىن 19-شىلدەدە مەنىڭ قابىلداۋىمدا 30 عا جۋىق ازامات بولدى»، - دەپ جازدى نۇر-سۇلتان قالاسى اكىمىنىڭ ورىنباسارى باقتيار ماكەن.
ازاماتتاردىڭ كوپشىلىگىن الەۋمەتتىك ماسەلەلەر تولعاندىراتىنىن اتاپ وتكەن ول ادامدار قۇقىقتىق، پسيحولوگيالىق، تاعى دا باسقا كەڭەستەرگە دە ءزارۋ ەكەنىن جەتكىزدى.
«حالىققا قىزمەت كورسەتۋ ورتالىقتارىنان الۋعا ءتيىس كەيبىر انىقتامالاردى اكىمدىكتەن تەز شەشىپ بەرۋدى سۇراعاندار دا بولدى. ءتيىستى باسقارمالارعا تۇرعىندارمەن تىعىز قارىم-قاتىناستا بولۋدى، حالىققا مەملەكەتتىك باعدارلامالاردى ءتۇسىندىرۋ جۇمىستارىن كۇشەيتۋدى تاپسىردىم»، - دەدى ول.