+7 (701) 759 90 19 Лента
19 °С : نۇر-سۇلتان
32 °С : الماتى
USD 386.05 EUR 428.25
RUB 5.84 CNY 54.65
جاڭالىقتار

ورمۋز بۇعازىندا بريتان مۇناي تانكەرى ۇستالدى

20 شىلدە 13:17 43
:ءبولىسۋ
ورمۋز بۇعازىندا بريتان مۇناي تانكەرى ۇستالدى

تەگەران. قازاقپارات - ورمۋز بۇعازىندا يسلام رەسپۋبليكاسى ساقشىلارىنىڭ كورپۋسى حالىقارالىق تەڭىز ەرەجەلەرىن بۇزعانى ءۇشىن بريتاندىق تانكەردىڭ ۇستالعانىن حابارلادى، دەپ حابارلايدى قازاقپارات يرنا اگەنتتىگىنە سىلتەمە جاساپ.

بريتانيالىق Stena Impero مۇناي تانكەرى جۇما كۇنى تۇندە حورموزگان پروۆينتسياسىنىڭ ايلاق جانە تەڭىز ۇيىمىنىڭ وتىنىشىمەن ۇستالعان. وعان حالىقارالىق تەڭىز ەرەجەلەرىن بۇزدى دەگەن ايىپ تاعىلىپ وتىر.

«ءتيىستى تەكسەرۋلەردى جۇرگىزۋ ءۇشىن تانكەر جاعالاۋعا جەتكىزىلدى» دەلىنگەن حابارلامادا.

BBC مالىمەتىنشە، Stena Impero تانكەرى شۆەتسيالىق Stena Bulk كومپانياسىنا تيەسىلى. ول ساۋد ارابياسىنا بەت العان. بورتىندا ەكيپاجدىڭ 23 مۇشەسى بار.

ودان بولەك، ليبەريا تۋىن قاداپ العان تاعى ءبىر كەمە ۇستالعان. دەگەنمەن، يراندىقتار Mesdar كەمەسىندەگى ەكيپاجعا قاۋىپسىزدىك تۋرالى تۇسىندىرگەن سوڭ قويا بەرگەن.

«مەن يران بيلىگىنىڭ ەكى كەمەنى ۇستاعانىن ەستىپ، قاتتى ۋايىمداپ وتىرمىن»، - دەپ ءمالىم ەتتى ۇلى بريتانيا ىشكى ىستەر ءمينيسترى دجەرەمي حانت.

ول توتەنشە جاعدايلار جونىندەگى ۇكىمەتتىك كوميتەتتىڭ وتىرىسىندا (COBRA) وسى جاعدايدى تالقىلايتىنىن ايتتى.

يران توڭىرەگىندەگى جاعداي 13- ماۋسىم كۇنى ومان شىعاناعىندا ەكى تانكەرگە شابۋىلدان كەيىن جارىلىس پەن ءورت تۇتانعاندا ۋشىعا باستاعان. ا ق ش بۇل جاعدايعا جاۋاپكەرشىلىكتى يرانعا ارتتى، ونى ۇلى بريتانيا مەن ساۋد ارابياسى قولدادى. تەگەران بۇل ايىپتاۋدى جوققا شىعاردى.


باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات