ارىستا ەشقانداي ەپيدەميولوگيالىق قاۋىپ جوق - ماماندار

ارىس. قازاقپارات - ارىس قالاسى تۇرعىندارىنىڭ تىنىسى تارىلىپ، بەلگىسىز ىندەتتەن كوز جۇمىپ جاتىر دەگەن اقپارات جالعان، دەپ حابارلايدى قازاقپارات تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

اكىمدىك قالادا بولعان اپاتتان كەيىن شىعىپ جاتقان مۇنداي دالەلسىز اقپارلارعا ەرمەۋگە شاقىرادى.

بۇگىن تۇركىستان وبلىستىق كلينيكالىق اۋرۋحاناسىنىڭ باس دارىگەرى مارات پاشيموۆ ارىس قالاسى اكىمدىگىندە وتكەن بريفينگتە الەۋمەتتىك جەلىلەر مەن دالەلسىز جالعان اقپارات تارقاتقان كەيبىر ب ا ق- تاعى مالىمەتتەردىڭ شىندىققا جاناسپايتىنىن ءمالىم ەتتى.

تۇركىستان وبلىسىنىڭ دارىگەرلەرى ارىس قالاسى تۇرعىندارىنىڭ دەنساۋلىعىن تەكسەرۋ ءۇشىن اۋلا ارالاۋ جۇمىستارىن جۇرگىزۋدە. حالىق اراسىندا كەنەتتەن كەلگەن كەسەلگە كەزىككەنى انىقتالماعان. ارىس قالاسىندا ورنالاسقان 17 سەكتور بويىنشا 24- ماۋسىمنان باستاپ دارىگەرلەر تاۋلىك بويى قىزمەت كورسەتىپ كەلەدى. تۇركىستان وبلىسى قوعامدىق دەنساۋلىق باسقارماسىنىڭ باسشىسى مۇقان ەگىزبايەۆتىڭ باسقارۋىمەن ارنايى مەديتسينالىق شتاب ۇزدىكسىز جۇمىس اتقارۋدا.

28- ماۋسىمى مەن 18- شىلدە كۇندەرى ارالىعىندا ارىس قالاسىندا 18 مىڭنان استام جەكە جانە كوپقاباتتى تۇرعىن ۇيلەردىڭ، 441 مەكەمەنىڭ اۋلالارى تەكسەرىلگەن.

«تەكسەرۋلەر ناتيجەسىندە تۇرعىندار مەن ساۋدا ورىندارىنان 11 مىڭ كەلىگە جۋىق ازىق-تۇلىك تاركىلەندى. قالاداعى بارلىق قوقىس ورىندارى، اجەتحانالار زالالسىزداندىرىلدى. جالپى 50 دەي ءۇي جانۋارىنىڭ ولەكسەسى شىعارىلدى. اۋماقتاردى تەكسەرۋ، دارىلەۋ جۇمىستارى جالعاسۋدا. قازىرگى تاڭدا جامبىل، اقتوبە، اقمولا، سولتۇستىك قازاقستان وبلىستارى مەن نۇر-سۇلتان، شىمكەنت قالالارىنىڭ ماماندارى جۇمىس ىستەۋدە. جالپى قالانىڭ ەپيدەميولوگيالىق جاعدايى تولىق باقىلاۋدا»، - دەدى تۇركىستان وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى نۇربەك نىشانوۆ.

ارىس قالالىق اۋرۋحاناسىندا كۇردەلى جوندەۋ جۇمىستارى جۇرگىزىلىپ جاتقانى بەلگىلى. وسىعان وراي، ناۋقاستارعا ارىس قالالىق ەمحاناسى مەن وبلىستىق كلينيكالىق اۋرۋحاناسىندا جانە ورداباسى اۋداندىق ورتالىق اۋرۋحاناسىندا مەديتسينالىق كومەك تولىق، جان-جاقتى كورسەتىلىپ جاتىر.