+7 (701) 759 90 19 Лента
25 °С : نۇر-سۇلتان
26 °С : الماتى
USD 386.34 EUR 427.25
RUB 5.88 CNY 54.57
جاڭالىقتار

پرەزيدەنت كۋبوگى: فينالدا شارشى الاڭعا كىمدەر شىعادى؟

20 شىلدە 10:00 45
:ءبولىسۋ
پرەزيدەنت كۋبوگى: فينالدا شارشى الاڭعا كىمدەر شىعادى؟

نۇر-سۇلتان. قازاقپارات - كەشە نۇر-سۇلتان قالاسىندا بوكستان قازاقستان پرەزيدەنتى كۋبوگىنىڭ جارتىلاي فينال ويىندارى ءوتتى، دەپ حابارلايدى قازاقپارات ءتىلشىسى.

ەرلەر اراسىندا جارتىلاي فينالعا وزبەكستاننان كەلگەن جەتى بوكسشى شىققان ەدى. دەگەنمەن ولاردىڭ ەشبىرى فينال جولداماسىنا قول جەتكىزە العان جوق. اتاپ ايتقاندا، 57 كەلىدە ءىلياس سۇلەيمەنوۆتىڭ قارسىلاسى ميرازيزبەك ميرزاحاليلوۆ جەكپە-جەكتەن باس تارتسا، 75 كەلىدەگى تۇرسىنباي قۇلاحمەتپەن قولعاپ تۇيىستىرگەن راجاببوي اتانازاروۆ ءبىرىنشى راۋندتان كەيىن العان جاراقاتىنا بايلانىستى جارىستى جالعاستىرا المادى.

سوندىقتان پرەزيدەنت كۋبوگى فينالىندا نەگىزىنەن قازاقستاندىق بوكسشىلار ءوزارا شەبەرلىك بايقاساتىن بولدى. ولاردىڭ قاتارىندا رەسەيلىك ۆاديم تۋكوۆ 75 كەلىدە تۇرسىنباي قۇلاحمەتپەن شارشى الاڭعا شىقسا، 63 كەلىدە ءۇندىستاندىق تاپا شيۆا زاكير سافيۋللينمەن باق سىناسادى.

تاعى ءبىر ايتا كەتەرلىگى، 57 كەلىدە الەم چەمپيونى قايرات ەراليەۆ الماتى وبلىسىنان كەلگەن رۋستام رۋستاموۆقا جول بەرىپ قويدى.

ال 63 كەلىدە زاكير سافيۋللين سوڭعى ازيا چەمپيوناتىندا التىننان القا تاققان تاجىك جىگىتى باحودۋر ۋسمونوۆتى ورتا جولدا قالدىرىپ كەتتى. وليمپيادانىڭ كۇمىس جۇلدەگەرى ۆاسيلي لەۆيت جاس وسپىرىمدەر اراسىنداعى وليمپيادا ويىندارىنىڭ چەمپيونى ايبەك ورالبايمەن قولعاپ تۇيىستىرەدى.

ال قىزدار اراسىندا 51 كەلىدە نازىم قىزايباي مەن جاينا شەكەربەكوۆا قولعاپ تۇيىستىرەدى. سونداي-اق، 2016-جىلعى الەم چەمپيوناتىنىڭ جۇلدەگەرى الۋا قوجابەكوۆا 2016-جىلعى ەۋروپا چەمپيونى رەسەيلىك داريا ابراموۆامەن شارشى الاڭعا شىعادى.

قىزدار اراسىندا رەسەيلىك داريا ابراموۆا (57 كەلى)، ەلەنا گالەشينا (75 كەلى)، قىتايلىق يان لي (69 كەلى) جانە ءۇندىستاندىق پارۆين (60 كەلى) فينالعا شىقتى. قالعان بوكسشىلاردىڭ بارلىعى - قازاقستاندىقتار.

ەستەرىڭىزگە سالا كەتەلىك، فينالدىق جەكپە-جەكتەر نۇر-سۇلتان ۋاقىتىمەن 13.00 دە باستالادى. جەكپە- جەكتەر Qazsport تەلەارناسىنان كورسەتىلەدى.

ەستەرىڭىزگە سالا كەتەلىك، بۇدان بۇرىن جارتىلاي فينالعا شىققان بوكسشىلار جايىندا حابارلاعان ەدىك.


باستى سوزدەر: سپورت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات