قازاقستاننىڭ ءبىرقاتار وبلىستارىندا اپتاپ ىستىق بولادى

نۇر-سۇلتان. قازاقپارات – 20-شىلدە كۇنى اتموسفەرالىق فرونتالدىق بولىكتەردىڭ وتۋىنە بايلانىستى قازاقستاننىڭ سولتۇستىك، شىعىس جانە باتىس ايماقتارىنىڭ كەي جەرلەرىندە نايزاعاي ويناپ، جاڭبىر جاۋادى، دەپ حابارلايدى قازگيدرومەت.

قالعان ايماقتاردا جاۋىن-شاشىنسىز اۋا رايى ساقتالادى. رەسپۋبليكانىڭ كەي جەرلەرىندە جەل كۇشەيەدى، سولتۇستىگىندە جانە شىعىسىندا بۇرشاق جاۋۋى مۇمكىن، سولتۇستىكتە تۇندە جانە تاڭەرتەڭ كەي جەرلەردە تۇمان كۇتىلەدى.

اتىراۋ، پاۆلودار، كۇندىز اقمولا، تۇركىستان، قىزىلوردا، ماڭعىستاۋ، باتىس قازاقستان، اقتوبە، قوستاناي، شىعىس قازاقستان، قاراعاندى وبلىستارىنىڭ كەي جەرلەرىندە جەلدىڭ جىلدامدىعى 15-20 م/س- عا دەيىن كۇشەيەدى، اقمولا جانە شىعىس قازاقستان وبلىستارىنىڭ كەي جەرلەرىندە كۇندىز بۇرشاق جاۋۋى مۇمكىن.

سولتۇستىك قازاقستان وبلىسىنىڭ كەي جەرلەرىندە كۇندىز بۇرشاق جاۋۋى مۇمكىن، تۇندە جانە تاڭەرتەڭ تۇمان كۇتىلەدى. كۇندىز الماتى، قىزىلوردا، اقتوبە وبلىستارىندا قاتتى ىستىق تۇسەدى؛ تۇركىستان، جامبىل، اتىراۋ، ماڭعىستاۋ، قوستاناي وبلىستارىندا، باتىس قازاقستان، قاراعاندى وبلىستارىنىڭ كەي جەرلەرىندە قاتتى ىستىق كۇتىلەدى.

قىزىلوردا، تۇركىستان وبلىستارىندا، الماتى، جامبىل، اقتوبە، قاراعاندى، شىعىس قازاقستان، اتىراۋ وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.