+7 (701) 759 90 19 Лента
16 °С : نۇر-سۇلتان
13 °С : الماتى
USD 386.91 EUR 428.81
RUB 5.79 CNY 54.79
جاڭالىقتار

اجالدان ءۇش رەت امان قالعان تورەشى

20 شىلدە 03:30 68
:ءبولىسۋ
اجالدان ءۇش رەت امان قالعان تورەشى

نۇر- سۇلتان. قازاقپارات - لەوناردو گاسيبا - برازيليالىق فۋتبول تورەشىسى. جاقىندا بۇل ازامات FOX Sports تەلەارناسىنا سۇقبات بەرىپ، جۇرتشىلىقتى تاڭعالدىردى. ونىڭ ايتۋىنشا، ول ءۇش رەت ولىمنەن امان قالىپتى.

1993 -جىلى گاسيبا ريو- گراندي- دۋ- سۋل شتاتىنىڭ ءبىرىنشى ليگاسىنداعى «گۋاراني دي گارمبالدي» جانە «ايمورە» كلۋبتارى اراسىنداعى كەزدەسۋگە قازىلىق جاساعان. ويىن بىتە سالاسىمەن ساقشىلاردىڭ كومەگىمەن الاڭنان ارەڭ شىعىپ كەلە جاتقان كەزدە قارسىلاس كوماندانىڭ ماسساج جاساۋشىسى ونىڭ بەتىنەن سوققى جاسايدى. وعان ءبىرىنشى مەديتسينالىق كومەك كورسەتىلىپ جاتقان كەزدە تورەشى ۇيىنە قايتۋى كەرەك بولعان اۆتوبۋس ءجۇرىپ كەتكەن. كەيىننەن بەلگىلى بولعانداي بۇل اۆتوبۋس جولدا اپاتقا ۇشىراپ، 9 ادام قازا بولعان.

ارادا 14 جىل وتكەندە تورەشى تاعى ءبىر مارتە ولىمگە ءبىر قادام جاقىن بولادى. ول ميناس- جەرايس شتاتىنداعى ويىنعا تاعايىندالادى. بۇل شتاتقا جەتۋ ءۇشىن سان- پاۋلۋ قالاسىندا ۇشاققا ءمىنۋ كەرەك بولعان. گاسيبا تام3054 ۇشاعىنا بيلەت الىپ، ويىننىڭ بەيسەنبىدەن جۇماعا اۋىستىرىلۋىنا بايلانىستى ونى كەرى وتكىزىپ، ءتىرى قالعان. ويتكەنى تورەشى وتىرۋ كەرەك بولعان ۇشاق اۋە اپاتىنا ۇشىراپ، بارلىق 187 جولاۋشى مەن ەكيپاج مۇشەلەرى مەرت بولدى.

ءۇشىنشى وقيعا 2016 -جىلى بولعان. برازيليالىق RBS تەلەارناسى گاسيباعا وڭتۇستىك امەريكا كۋبوگىنىڭ فينالىندا - «اتلەتيكو ناسونال» مەن «شاپەكوەنسە» كلۋبتارى اراسىنداعى كەزدەسۋگە مامان بولىپ وتىرۋدى ۇسىنعان. باستاپقىدا ماتچقا باراتىن بولعان ول كەيىننەن برازيليادا وتىرىپ- اق ساراپتايتىن بولدى. سەبەبى فينال وتەتىن ستاديوننىڭ كوممەنتاتورلار كابيناسى كىشكەنتاي ەكەن. ال گاسيبا وتىرۋ قاجەت بولعان ۇشاق مەدەلين اۋەجايىنا جاقىنداي بەرگەن تۇستا ىشىندە تاۋعا سوعىسقان. 77 ادامنىڭ التاۋى عانا ءتىرى قالدى.

ءۋاليحان قوسانباي

Massaget.kz


باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات