اباي ولكەسىندەگى قوڭىراۋ تاستار - ۆيدەو

نۇر-سۇلتان. قازاقپارات - اباي ولكەسىندەگى قوڭىراۋ تاستار جەلى قولدانۋشىلارىن تاڭعالدىردى.

قوڭىراۋ تاستار - بۇگىنگە دەيىن عالىمدار جاۋابىن تابا الماعان ەرەكشە تابيعي قۇبىلىس. قازىرگى تاڭدا قوڭىراۋ تاستار رەسەيدىڭ قۇرامىنداعى كارەليا رەسپۋبليكاسى، پەنسيلۆانيا شتاتى جانە يوردانيادا بار. ال قازاقستانداعى قوڭىراۋ تاستار جايلى ەستۋىڭىز بار ما؟

الماتى قالاسىنىڭ تۇرعىنى دانارا بايماعانبەتوۆا تۋعان جەرى ش ق و- داعى شىڭعىستاۋدىڭ بويىنان ءدال وسى قوڭىراۋ تاستاردى كورىپ، الەۋمەتتىك جەلىدەگى پاراقشاسىندا بولىسكەن. Tengrinews.kz ءتىلشىسى دانارامەن بايلانىسىپ، ەرەكشە تاستار تۋرالى اقپارات العان. دانارانىڭ تۋعان جەرى - سەمەي وڭىرىندەگى اباي ولكەسى. ونىڭ ايتۋىنشا، شامامەن 8-9 جاسىندا اكەسى ەرتەرەكتە ءوزىنىڭ اتا- اناسى شىڭعىستاۋدىڭ ىشىندە وتىرعان ەسكى جۇرتتىڭ ورنىنا اپارعان. سوعىستان كەيىنگى جىلدارى سول جەردە قونىستانعان.

«تاۋ ىشىندە ۇلكەن- ۇلكەن جالپاق قارا تاستار جاتىر. وسى تاستاردى ۇرساڭ، ەرەكشە دىبىس شىعادى. قوڭىراۋدىڭ داۋسى سياقتى. ءارتۇرلى دىبىس. انسامبل دەرسىڭ. تاستاردىڭ شەتىندە شۇڭقىر- شۇڭقىر ءىز قالعان. اكەمنىڭ بالا كەزىندە تاستى ۇرىپ، «قوڭىراۋ سوعىپ« ويناعانىنان قالعان ىزدەر ەكەن. بۇل ساياحات بالا كەزىمدە ماعان قاتتى اسەر قالدىرعان ەدى»، - دەيدى دانارا.

كەيىننەن دانارا وسى قوڭىراۋ تاستار جايلى ماقالا جازعان. سول ماقالادان كەيىن قازاقستاننان بولەك، وداقتاس رەسپۋبليكالاردىڭ ءبىراز پيونەرلەرى حات جازىپ، قىزىعۋشىلىق تانىتقان ەدى دەيدى. وسى جولعى جازعى دەمالىسىندا ول تاستاردى بالالارىنا كورسەتەيىن دەگەن ويمەن كەلگەن ەكەن. شىڭعىستاۋدىڭ بويىنداعى «قوڭىراۋ تاستار» تاستار مۇنداي دىبىستاردى قالاي شىعاراتىنى ءالى كۇنگە دەيىن بەلگىسىز. «مەنىڭ ويىمشا بۇل تاستاردىڭ قۇرامىندا مەتالل كوپ. نە دە بولسا، ەرەكشە قۇبىلىس. مەتاللعا باي جەر بولار دەپ توپشىلادىق»، - دەيدى ول.

مۇنداي قۇبىلىستاردى پاراللەل ومىرمەن، ميستيكامەن بايلانىستىرىپ جاتادى. دانارانىڭ ويىنشا، بۇل جەردە ەشقانداي دا سيقىر جوق. سەبەبى، ونداي دۇنيەلەر عىلىمي تۇردە دالەلدەنۋى كەرەك دەيدى. جەلى قولدانۋشىلارى تاڭعالىسىن جاسىرا المادى.

«تابيعاتتىڭ كەرەمەتى: راسىندا تاستاردى سوققاندا نوتالاردىڭ دىبىسىنداي ءار ءتۇرلى ءۇن شىعار ادى ەكەن.. . تاڭعالارلىق»، - دەيدى كۇلشاي ءسادۋاقاسوۆا. «شىركىن شىڭعىس تاۋىم. بالالىق شاعىمىز شىڭعىستىڭ باۋرايىندا ءوتتى. ۋا داريعا التىن بەسىك تۋعان جەر، قادىرىڭدى بىلمەي كەلسەم كەشە گور»، - دەيدى بايان جۇمنبايەۆا ەسىمدى تاعى ءبىر قولدانۋشى.

«مەن ا ق ش- تا بارىن ءبىلۋشى ەم. جاستار ادەيى ىزدەپ بارىپ بەينە جازبالار تۇسىرەدى ەكەن سول جەردە. قازاقتا بارىن بىلمەپپىن. بايمىز عوي. شىركىن، تۋريزم دامىسا!»، - دەپ جازعان تورعىن جولداسبەك قىزى.

P. S. قۇرمەتتى وقىرمان، ەگەر ءسىزدىڭ تۋعان ولكەڭىزدىڭ سىرعا تولى، تىلسىم ءارى كوپتەگەن ادام بىلە بەرمەيتىن ەرەكشەلىكتەر بولسا، ونى سۋرەت نە ۆيدەو تۇرىندە، ماقالا مەن شىعارما كۇيىندە سايتىمىزعا جولداي الاسىزدار.

Massaget.kz