+7 (701) 759 90 19
-20 °С : نۇر-سۇلتان
-5 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ۇلتتىق تاسىمالداۋشى جاڭا ۆاگونداردى ىسكە قوستى

19 شىلدە 18:08
:ءبولىسۋ
ۇلتتىق تاسىمالداۋشى جاڭا ۆاگونداردى ىسكە قوستى

نۇر- سۇلتان. قازاقپارات - بۇگىن نۇرلى- جول ۆوكزال كەشەنىندە ۇلتتىق تاسىمالداۋشى رەسەي تەحنولوگياسىنا ساي وتاندىق «تۇلپار تالگو» زاۋىتىندا قۇراستىرىلعان جاڭا ۆاگونداردىڭ تۇساۋكەسەرىن وتكىزدى، دەپ حابارلايدى قازاقپارات «جولاۋشىلار تاسىمالى» ا ق باسپا ءسوز ورتالىعىنا سىلتەمە جاساپ.

«جاڭا ۆاگوندار - ول «جولاۋشىلار تاسىمالى» كومپانياسى، ءبىرقاتار مەملكەتتىك ورگاندار مەن برك- ليزينگتىڭ بىرىگىپ اتقارعان ەڭبەگىنىڭ جەمىسى. باستى ماقسات - الەۋمەتتىك ماڭىزدى باعىتتاردا قاتىنايتىن جولاۋشىلارعا بارىنشا جايلىلىق تۋعىزۋ» - دەپ اتاپ ءوتتى كومپانيا باس ديرەكتورى ارمان سۇلتانوۆ.

بۇل ۆاگوندار تۇراقتى تۇردە № 377/378 «الماتى- ماڭعىستاۋ» باعىتى بويىنشا قاتىنايتىن پويىزداردىڭ قۇرامىنا تىركەلەدى. سول سەبەپتى ۆاگونداردى الماتىعا جەتكىزۋ ءۇشىن ءبىر رەتتىك قوسىمشا پويىز رەتىندە ىسكە قوسىلىپ وتىر. جولاۋشىلار تاراپىنان سۇرانىستى قاناعاتتاندىرۋ ءۇشىن جاسالىپ وتىرعان شارا. الماتىعا بۇل پويىز 20 ساعاتتا جەتىپ، جولدا 3 ستانساعا توقتايدى.

پلاتسكارت ۆاگوندارى 54 ورىنعا ەسەپتەلگەن. قىزمەت ەتۋ ۋاقىتى 40 جىل. جولداعى ماكسيمالدى جىلدامدىعى 160 كم/ساع.



ۆاگون ىشىندە كونديتسيونەر جۇيەسى، ورتكە قارسى جۇيە جانە سۋ قورى، ەكى بيوتۋالەت، ۆيدەوباقىلاۋ جۇيەلەرى ورناتىلعان. ءار ۆاگوندا 6 ۆيدەوكامەرا ورنالاسقان. بارلىق بەينە شتابتىق ۆاگونداعى پويىز باسشىسىنىڭ قاداعالاۋىندا بولادى. ءار كۋپەدە جانە كوريدوردا ەكى 220ۆ قۋات بەرەتىن روزەتكامەن جانە ۇيالى تەلەفوندى قۋاتتاندىرۋعا ارنالعان ەكى USB پورتپەن قامتىلعان. ءار ۆاگوندا جولسەرىككە ارنالعان توڭازىتقىش پەن ميكروتولقىندى پەش، اۋىز سۋ ديسپەنسەرى مەن ىستىق سۋىمەن تيتان ورناتىلعان.

سونىمەن بىرگە بايلانىس، دياگنوستيكا جانە باسقارۋ جۇيەلەرى قاراستىرىلعان.

«جىلدىڭ سوڭىنا دەيىن تاعى 38 جاڭا ۆاگون ساپارعا شىعادى. ءار جىل سايىن ءبىز ءوزىمىزدىڭ ۆاگون پاركىمىزدى جاڭا 100 ۆاگونمەن تولىقتىرىپ وتىرامىز» - دەدى كومپانيا باسشىسى ارمان سۇلتانوۆ.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات