+7 (701) 759 90 19
-19 °С : نۇر-سۇلتان
-3 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ۇ ب ت سۇراقتارى قالاي ازىرلەنەدى - رەپورتاج

19 شىلدە 17:04
:ءبولىسۋ
ۇ ب ت سۇراقتارى قالاي ازىرلەنەدى - رەپورتاج

نۇر-سۇلتان. قازاقپارات – نۇر-سۇلتان. قازاقپارات – ق ر ءبىلىم جانە عىلىم مينيسترلىگىنە قاراستى ۇلتتىق تەستىلەۋ ورتالىعى ب ا ق وكىلدەرىنە ارنالعان باسپا ءسوز تۋرىن وتكىزدى، دەپ حابارلايدى قازاقپارات.

جۋرناليستەر رەجىمدىك نىسان بولىپ سانالاتىن عيمارات ءىشىن ارالاپ، ۇ ب ت سۇراقتارىنىڭ قالاي ازىرلەنەتىنىن كوردى.

«ۇ ب ت سۇراقتارىن ازىرلەۋ ءۇشىن قازاقستاننىڭ تۇپكىر-تۇپكىرىنەن ەڭ ۇزدىك ءپان مۇعالىمدەرىن شاقىرامىز. ولاردىڭ بىلىكتىلىگى مەن جەتىستىكتەرىنە ءمان بەرەمىز. قازىرگى ۋاقىتتا 40-45 مۇعالىم كەلەسى ۇ ب ت سۇراقتارىن ازىرلەپ جاتىر. ولار سۇراقتاردى كوشىرۋگە مۇمكىندىك بەرمەيتىن ارنايى كومپيۋتەرلەردە 10 كۇن جۇمىس ىستەيدى. بارلىق ءمۇعالىم قۇپيانى تاراتپاۋ تۋرالى جاۋاپكەرشىلىكتى موينىنا الادى»، - دەپ ءتۇسىندىردى ق ر ۇلتتىق تەستىلەۋ ورتالىعى ديرەكتورىنىڭ مىندەتىن اتقارۋشى ديدار سماعۇلوۆ.





ونىڭ ايتۋىنشا، كەز كەلگەن سۇراق جوباسى كىتاپشاعا ەنبەي تۇرىپ، ەكى ساراپشىنىڭ تەكسەرۋىنەن وتەدى.

«كەي ادامدار ۇ ب ت- دا اقىلعا قونبايتىن سۇراقتار ءجۇر دەپ ايتادى. ولاردىڭ بىزگە قاتىسى جوق، ونى جەكە دايارلىق ورتالىقتارى ازىرلەۋى مۇمكىن. ءبىز ءجۇز مىڭداعان سۇراقتارىمىزدىڭ ءارقايسىسىن قاي كىتاپتان، قاي جولدان العانىمىزدى كورسەتە الامىز. بىرىنشىدەن، سۇراقتى ءپان ءمۇعالىمى ازىرلەيدى. ونى ءبىرىنشى ساراپشى تەكسەرىپ، تۇسىنىكسىز سۇراقتاردى الىپ تاستايدى. سوسىن ەكىنشى ساراپشى كەلىپ، تاعى تەكسەرەدى. وسىلايشا، سۇراقتىڭ مەكتەپ باعدارلاماسىنان الىنۋىن قامتاماسىز ەتەمىز. ءبىراق، جىل سايىن اپەللياتسيا وتىنىمدەرى ازايىپ كەلەدى. بيىلعى شاعىم سانى %50 تومەن»، - دەيدى ورتالىق باسشىسى.





ءارى قاراي بۇل سۇراقتار تەستىلەۋ ورتالىعىنىڭ ارنايى بازاسىندا جينالادى. وعان ساناۋلى ادامدار عانا كىرەدى. ءتىپتى ءبىلىم جانە عىلىم ءمينيسترى دە كىرە المايدى.

«بۇل سەرۆەرگە كىرۋ ءۇشىن ارنايى رۇقسات سۇراپ، سەبەپتەرىن كورسەتۋ كەرەك. ونى ۇلتتىق قاۋىپسىزدىك كوميتەتى ورگاندارىنىڭ تالابىمەن عانا اشۋعا بولادى. ءتىپتى مينيستر كەلسە دە، كەشىرىم سۇراي وتىرىپ، كىرگىزە المايتىنىمىزدى ايتار ەدىك. جيناقتالعان تەست بازادان تيپوگرافياعا جىبەرىلەدى. ونداعى قۇپيالىق دەڭگەيى ءتىپتى جوعارى. كىتاپشانى شىعارعان، بولگەن، قاپتاعان ادامدار ءجىتى باقىلاۋدان وتەدى. تيپوگرافيانى ۇ ق ك- دە جۇمىس ىستەيتىن مەنىڭ ورىنباسارىم باقىلايدى جانە قۇپيالىلىعىن قامتاماسىز ەتەدى»، - دەپ ءوز ءسوزىن جالعاستىردى د. سماعۇلوۆ.

باسپادان شىققان كىتاپشالار نۇسقالار بويىنشا بولىنەدى. ۇلتتىق تەستىلەۋدىڭ ءبىرىنشى كۇنى كىتاپشالاردىڭ 10 داعان نۇسقاسى بولۋى مۇمكىن جانە ولار ەكىنشى، ءۇشىنشى كۇندەرى قايتالانبايدى.





«سوندىقتان سۇراقتاردى سمارتفونعا ءتۇسىرىپ الىپ، كەيىنگى لەككە كومەكتەسەمىن دەۋ - اۋرەشىلىك. جىل سايىن سۇراقتار بازاسى 30 پايىزى، شامامەن 34 مىڭ سۇراق جاڭارتىلىپ وتىرادى»، - دەدى ول.

نۇسقاعا بولىنگەن سوڭ، كىتاپشالاردى ارنايى قارۋلى كۇزەت ارنايى قاپشىقپەن وڭىرلەردەگى ۇقك دەپارتامەنتتەرىنىڭ عيماراتىنا جەتكىزەدى.

«قاپشىق تاپسىرىسپەن ازىرلەنگەن پلومبامەن، سۇرگىش مورمەن جانە اعاش تاقتايشامەن بەكىتىلەدى. بۇل پلومبالار نومىرلەنگەن. تەستىلەۋ الدىندا، ياعني تاڭعى ساعات 7-7:30-دا ۇ ق ك قىزمەتكەرلەرى قاپشىقتاردى تەستىلەۋ ورتالىعىنا جەتكىزەدى. قاپشىق ءۇش ءتۇرلى جىپپەن تىگىلگەن، ونى سوگىپ- قايتا تىكسە بىردەن بايقالادى. ونىڭ ىشىنەن ارنايى قاعاز جولاعى بار قوراپشالار شىعادى. بۇل جولاقتى دا جەلىمنەن اجىراتسا، قايتىپ جابىسپايدى. وسىلايشا، اشۋ فاكتىسىن اشكەرەلەۋگە بولادى. كوميسسيانىڭ تەكسەرۋىمەن قوراپتار اشىلادى. اكت تولتىرىلادى. ءار قوراپتا ءبىر اۋديتوريانىڭ تاپسىرمالارى بار. تاپسىرما كىتاپشالارى مەن جاۋاپ پاراقتارى قاعاز جولاعى بار پوليەتيلەنمەن قاپتالعان»، - دەدى ۇ ت و تەستىلەۋدى وتكىزۋدى ۇيىمداستىرۋ باسقارماسىنىڭ باسشىسى روللان سەرىكوۆ.

ايتا كەتەيىك، بيىل قازاقستاندا 117 242 تۇلەك ۇ ب ت تاپسىردى. بيىلدان باستاپ ۇ ب ت- نىڭ ءتورت رەت - قاڭتار، ناۋرىز، ماۋسىم جانە تامىز ايلارىندا وتكىزىلەتىنى بۇعان دەيىن حابارلانعان بولاتىن.





اۆتور: ايجان سەرىكجان قىزى


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات