+7 (701) 759 90 19
-1 °С : نۇر-سۇلتان
3 °С : الماتى
USD 384.63 EUR 427.98
RUB 6.08 CNY 54.68
جاڭالىقتار

اقىلى جولدىڭ بويىندا تۇراتىن كولىك يەلەرى اقشا تولەي مە

19 شىلدە 15:28
:ءبولىسۋ
اقىلى جولدىڭ بويىندا تۇراتىن كولىك يەلەرى اقشا تولەي مە

نۇر- سۇلتان. قازاقپارات - الداعى 3 جىلدا ەل اۋماعىندا 32 اقىلى جول پايدا بولادى، دەپ حابارلايدى قازاقپارات ءتىلشىسى.

بۇل تۋرالى «QazAvtoJol» ۇلتتىق كومپانياسىنىڭ ستراتەگيالىق جوسپارلاۋ، بيزنەستى دامىتۋ جانە اقپاراتتاندىرۋ دەپارتامەنتىنىڭ ديرەكتورى رۋستام يسايەۆ ايتتى.

«قازىرگى تاڭدا اقىلى جول 4 ۋچاسكەدە ەنگىزىلگەن. ولاردىڭ جالپى ۇزىندىعى - 682 شاقىرىم. اتاپ ايتساق، بۇل نۇر- سۇلتان- شۋچينسك، نۇر- سۇلتان- تەمىرتاۋ، الماتى- قاپشاعاي جانە الماتى- قورعاس بولىكتەرى. جول اقىسىن ونلاين جۇيەدە تولەۋگە دە، جول بويىنداعى ارنايى بەكەتتەردە وتەۋگە دە بولادى. جول باعاسى ءار ۋچاسكەگە جەكە تاعايىندالادى. ونىڭ مولشەرىن وكىلەتتى ورگان بەكىتەدى. جول اقىسىنىڭ مولشەرىن بەلگىلەۋدە كولىكتىڭ تۇرىنە ءمان بەرىلەدى. جەڭىل كولىك يەلەرى ونلاين جۇيە ارقىلى الدىن الا تولەگەن جاعدايدا جول باعاسىنىڭ ەكى ەسە از تولەيدى. مۇنداي جەڭىلدىك جۇك كولىكتەرى ءۇشىن قاراستىرىلماعان» ، - دەيدى ول.

ۇلتتىق كومپانيا وكىلىنىڭ ايتۋىنشا، الدىن الا تولەمنىڭ 20 ءتۇرى بار. تەرمينالدار مەن ينتەرنەت- بانكينگ، ەلەكتروندى ءاميان جانە بىرنەشە بانكتىڭ ونلاين سەرۆيسى ارقىلى تولەۋ قازىردىڭ وزىندە مۇمكىن.

«جول ساپاسىنا، كومپانيانىڭ قىزمەتىنە قاتىستى سىن- پىكىرلەردى دە ينتەرنەت ارقىلى قابىلدايتىن بولامىز. قاراپايىم تاسىلمەن ارنايى قوسىمشادا تىركەلۋ ارقىلى جۇرگىزۋشىلەر مەن جولاۋشىلار ءوز ساۋالدارىن جولدايدى. وعان كومپانيا ماماندارى مىندەتتى تۇردە جاۋاپ بەرەدى. Telegram-بوت ارقىلى اقىلى ۋچاسكەلەردىڭ باعاسىن بىلۋگە دە بولادى» ، - دەگەن رۋستام يسايەۆ اقىلى جول ماڭىنداعى ەلدى مەكەندە تۇراتىن كولىك يەلەرىنە قويىلىپ وتىرعان شارتىڭ ءمان- جايىن ءتۇسىندىردى.

«اقىلى ۋچاسكەلەردىڭ اۋماعىنداعى ەلدى مەكەندەردە تىركەلگەن كولىكتەر ءۇشىن جىلىنا 1000 تەڭگە كولەمىندە باعا بەكىتىلگەن. ياعني، جەرگىلىكتى كولىك يەلەرى جىلىنا ءبىر رەت وسى سومانى تولەۋ ارقىلى اتالمىش ۋچاسكەدە شەكتەۋسىز جۇرە الادى. ونداي ابونەنتتىك تولەمدى راسىمدەۋ ءۇشىن جول اقىسىن قابىلدايتىن بەكەتكە كولىكتىڭ تەحنيكالىق ءتولقۇجاتى مەن تەحنيكا يەسىنىڭ جەكە كۋالىگىن اپارۋ قاجەت. سوڭعى 2-3 -جىلدا اقىلى جولدار سانىن 32 ۋچاسكەگە كوبەيتۋ جوسپارلانعان. ولاردىڭ جالپى ۇزىندىعى 11 مىڭ شاقىرىم بولادى. بۇل ۋچاسكەلەردە تولەم الدىن الا تولەۋ جۇيەسى ارقىلى جۇرگىزىلۋى ءتيىس. ءقازىر سول بويىنشا جوبا دايىنداپ جاتىرمىز. جول اقىسىنان تۇسكەن بارلىق قاراجات ونى كۇتىپ ۇستاۋعا كەتەدى» ، - دەدى دەپارتامەنت ديرەكتورى.

ايتا كەتسەك، ورتالىق كوممۋنيكاتسيالار قىزمەتىندە وتكەن بريفينگتە جول بويىندا تازا ءارى جايلى دارەتحاناسى جوق سەرۆيستەر ءسۇرىلۋى مۇمكىن ەكەنى ءمالىم ەتىلگەن بولاتىن. «QazAvtoJol» وكىلدەرى جول بويىنداعى دارەتحانالاردىڭ تازالىعىنا كىم جاۋاپتى ەكەنىن دە ايتتى.


باستى سوزدەر: ايماق,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات