ارالدان ەكى باستى تاسباقا تابىلدى

نۇر-سۇلتان. قازاقپارات - تابيعاتتى قورعاۋشىلار مابۋل ارالىناندا جاڭا پايدا بولعان ەكى باستى تاسباقانى تاپتى، دەپ حابارلايدى Stan.kz.

عالىمدار عىلىمي ورتالىقتا تۋعان 13 مىڭ تاسباقانىڭ ىشىنەن ەكى باستىنى العاش كەزدەستىرگەندەرىن ايتادى. تەڭىز بيولوگى دەۆيد ماككانن تاسباقانىڭ ەكى باسىنىڭ دا سەزىم مۇشەلەرىنىڭ دامىعانىن ايتادى.

«بۇل ءبىر تاڭعاجايىپ جاراتىلىس. وڭ جانە سول جاقتاعى باستار وزدىگىنەن قىزمەت اتقارادى. جۇزگەندە دە ەكەۋى كەزەكتەسىپ وتىرادى»، - دەيدى ول.

مۇندايدى جانۋارلار الەمىندە ديتسەفال دەپ اتايدى. ءبىر دەنەدەن شىققان ەكىباستى ەگىزدەر تابيعاتتى وتە سيرەك كەزدەسەتىن قۇبىلىس.

جاراتىلىسى ەرەكشە مۇنداي تاسباقانىڭ كۇتىمسىز ءومىر ءسۇرۋى قيىن. بيولوگتار تاسباقانىڭ ءبىر باسى تەرەڭ تىنىس الا المايتىنىن بايقادى. قازىر ەكىباستى تاسباقانى ارنايى كىشىگىرىم ىدىستا ۇستاۋدا. ال تاسباقانىڭ قالعان بالالارى مابۋلداعى ورتالىقتا قالادى.