پرەزيدەنت كۋبوگى: مىقتى بوكسشىلار ىرىكتەلە باستادى

None
None
نۇر-سۇلتان. قازاقپارات - كەشە، ياعني 18- شىلدە كۇنى ەلوردادا بوكستان ءوتىپ جاتقان پرەزيدەنت كۋبوگى حالىقارالىق تۋرنيرىنىڭ ءۇشىنشى جارىس كۇنى اسا تارتىستى ءوتتى، دەپ حابارلايدى قازاقپارات ءتىلشىسى.

ءۇشىنشى جارىس كۇنى ەرلەر اراسىنداعى جەكپە-جەكتە 52 كەلىدە باق سىناعان ازات ماحمەتوۆ وزبەكستاندىق فازىلجان ابدۋمۋرودوۆتان 0:5 ەسەبىمەن ۇتىلدى. الايدا، وسى سالماقتا سىنعا تۇسكەن ساكەن بيبوسىنوۆ قىتايلىق بوكسشىنى جارىس جولىنان شىعاردى.

تۋرا وسى سالماقتا تاعى ءبىر وتانداسىمىز ولجاس باينيازوۆ ازيا چەمپيوناتى مەن ازيا ويىندارىنىڭ چەمپيونى، ءۇندىستاندىق اميتتى 3:2 ەسەبىمەن ۇتىپ، جانكۇيەرلەردىڭ ىستىق ىقىلاسىنا بولەندى. سونداي-اق، 52 كەلىدەگى تاعى ءبىر بوكسشىمىز، شىمكەنتتىك ماحمۇت سابىرحان موڭعوليالىق قارسىلاسىن 5:0 ەسەبىمەن ۇتتى.

ال 69 كەلىدەگى كوماندا كوشباسشىسى ابىلايحان ءجۇسىپوۆ قىرعىزستاندىق دانيار داميردين ۇلىن 5:0 ەسەبىمەن قاپى قالدىرسا، وسى سالماقتا ءبىر-بىرىمەن جۇدىرىقتاسقان قوس قازاقستاندىق بوكسشى تالعات شايكەن جامبىلدىق دۋلات بەكباۋوۆتان باسىم ءتۇستى.

75 كەلىدەگى ازيا چەمپيونى تۇرسىنباي قۇلاحمەت قىتايلىق بوكسشىنى 5:0 ەسەبىمەن جەڭىپ، كەلەسى كەزەڭگە جولداما الدى.

جارىستىڭ ءۇشىنشى كۇنى بۇرىمدى قىزدار اراسىندا 51 كەلىدە جۇدىرىقتاسقان جاينا شەكەربەكوۆا رەسەيلىك ليۋبوۆ شاراپوۆانى 5:0 ەسەبىمەن جەڭىپ، كەلەسى اينالىمعا وتسە، وسى سالماقتا سىنعا تۇسكەن جاينانىڭ باستى قارسىلاسى سانالاتىن نازىم قىزايباي وزبەكستاندىق تۇرسىناي راحيموۆانى 4:1 ەسەبىمەن ۇتتى. تاعى ءبىر جەرلەسىمىز جامبىل وبلىسىنىڭ وكىلى جانسايا ءابدىرايىموۆا (51 كەلى) ءۇندىستاندىق قارسىلاسىن جارىس جولىنان شىعاردى.

57 كەلىدە ايجان قوجابەكوۆا، ءسانيا سۇلتان قىزى جانە ايدا ابىكيەۆالار كەلەسى كەزەڭگە جولداما الدى. ايجان قوستانايلىق ۆلادا كۋحتانى، ءسانيا رەسەيلىك داريا ابراموۆانى، ال ايدا قىزىلوردالىق دامەتكەن كەلىمبەتتى جەڭدى.

60 كەلىدەگى ريمما ۆولوسەنكو قىتايلىق جانگ رونگدى، كارينا يبراگيموۆا وزبەكستاندىق رايحون كوديروۆانى 5:0 ەسەبىمەن تىزە بۇكتىردى. 69 كەلىدەگى داريعا شاكىموۆا مەن مارينا ۆولنوۆا جەڭىلىسسىز كەلەدى. ۆولنوۆا وزبەك قىزى شاحنوز يۋسۋپوۆانى، شاكىموۆا تاجىكستاندىق قارسىلاسىن ۇتتى.

75 كەلىدە جۇدىرىقتاسقان جاس وسپىرىمدەر وليمپياداسىنىڭ جۇلدەگەرى نادەجدا ريابەتس كوماندالاسى ءمولدىر بازاربايەۆانى 4:1 ەسەبىمەن جەڭدى. وسى سالماقتاعى اقەركە باقىتجان مەن ارايلىم بەگدىلدا ءۇندىستان جانە رەسەي بوكسشىلارىنا جول بەرىپ، جارىستى اياقتادى.

اۆتور: كۇنسۇلتان وتارباي

سوڭعى جاڭالىقتار