+7 (701) 759 90 19 Лента
19 °С : نۇر-سۇلتان
15 °С : الماتى
USD 386.82 EUR 428.67
RUB 5.86 CNY 54.95
جاڭالىقتار

ەۋروپا ليگاسى: «ورداباسى» جارىستىڭ كەلەسى ساتىسىنا شىقتى

19 شىلدە 08:35 31
:ءبولىسۋ
ەۋروپا ليگاسى: «ورداباسى» جارىستىڭ كەلەسى ساتىسىنا شىقتى

نۇر-سۇلتان. قازاقپارات - شىمكەنتتىڭ «ورداباسى» كومانداسى UEFA ەۋروپا ليگاسى ەكىنشى ىرىكتەۋ كەزەڭىنە شىقتى.

بۇگىن ولار سىرت الاڭدا گرۋزيانىڭ «تورپەدو» (كۋتايسي) كومانداسىن جەڭىپ كەتتى، دەپ حابارلايدى قازاقپارات ءتىلشىسى.

«ورداباسى» كومانداسى بۇگىنگى كەزدەسۋدە نەگىزىنەن قورعانىسقا كوبىرەك كوڭىل ءبولدى. ءبىر اپتا بۇرىن شىمكەنتتە وتكەن ويىندا ولار 1:0 ەسەبىمەن جەڭگەن ەدى. سوندىقتان شىمكەنتتىك كلۋب تەڭ ناتيجەگە قاناعات بىلدىرەتىنىن اڭعارتتى.

الاڭ يەلەرى شابۋىلىنا ءبىرىنشى كەزەڭدە لايىقتى تويتارىس بەرە ءبىلدى. ەسەسىنە قارىمتا شابۋىلدارعا كوڭىل ءبولدى. دەسە دە ءبىرىنشى كەزەڭدە ەكى كوماندا دا ءبىر-ءبىرىنىڭ قاقپاسىنان ساڭىلاۋ تابا العان جوق.

ەكىنشى كەزەڭدە دە ويىن بارىسى ءدال وسىنداي جاعدايدا ءوربىپ جاتتى. ويىن تىزگىنى نەگىزىنەن الاڭ يەلەرىنىڭ قولىندا بولدى. كەزدەسۋ سوڭىنا تامان «ورداباسى» ەكى گول سوقتى. ونى 81-مينۋتتا ميرزاد مەحانوۆيچ، 94-مينۋتتا زيگي باديبانگا سوقتى. وسىلايشا «ورداباسى» قارسىلاسىن 2:0 ەسەبىمەن جەڭدى.

ەندى ولار جارىستىڭ كەلەسى ساتىسىندا چەحيانىڭ «ملادا-بولەسلاۆ» كومانداسىمەن كەزدەسەدى.

ەستەرىڭىزگە سالا كەتەلىك، كەشە UEFA چەمپيوندار ليگاسى ءبىرىنشى ىرىكتەۋ كەزەڭىندە ەلوردالىق «استانا» رۋمىنيانىڭ چفر كومانداسىنا جول بەردى. ەندى «استانا» UEFA ەۋروپا ليگاسى ەكىنشى ىرىكتەۋ كەزەڭىندە اندوررانىڭ «سانتا-كولوما» كومانداسىمەن شەبەرلىك بايقاسادى.

ال بۇگىن قوستانايدىڭ «توبىلى» ليۋكسەمبۋرگتىڭ «جەنەسس ەش» كلۋبىنا تەڭ ويناپ، قوس ويىننىڭ ناتيجەسىمەن جارىس جولىنان شىعىپ قالدى.

سونداي-اق، بۇگىن الماتىنىڭ «قايراتى» بوسنيانىڭ «شيروكي بريەگ» كومانداسىنان باسىم ءتۇستى. الماتىلىق كلۋب UEFA ەۋروپا ليگاسى ءبىرىنشى كەزەڭىنەن سۇرىنبەي ءوتتى. ەندى يزرايلدىڭ «حاپوەل» (بەزر-شيەۆا) جانە البانيانىڭ «لاچي» جۇبىنىڭ جەڭىمپازىمەن كەزدەسەدى.


باستى سوزدەر: سپورت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات