سيدنەي قالاسى تۋرالى قىزىقتى دەرەكتەر

نۇر-سۇلتان. قازاقپارات - سيدنەي قالاسى اۆستراليانىڭ ەڭ ۇلكەن قالاسى. قالا تىنىق مۇحيتىنىڭ جاعالاۋىنداعى الاپتا ورنالاسقان.

جاڭا وڭتۇستىك ۋەلس شتاتىنىڭ اكىمشىلىك ورتالىعى. 1788 -جىلى قۇرىلعان.

حالىق سانى ميلليوننان استام ادام.

كولەمى 12144,6 شارشى شاقىرىم.

رەسمي ءتىلى: اۆستراليالىق اعىلشىن.

ۆاليۋتاسى: اۆستراليالىق دوللار.

سيدنەي وپەرا تەاترى

اۆتراليانىڭ باستى سيمۆولى. بەننەلونگ پوينت ايلاعىندا ورنالاسقان.

جوبا ساۋلەتشىسى - داتتىق يورن ۋتزون. ول وسى جوباسى ءۇشىن ساۋلەت ونەرىندەگى ەڭ جوعارعى ماراپات - پريتسكەر پرەمياسىنا يە بولدى.

كولەمى 2,2 گەكتار، ماكسيمالدى بيىكتىگى - 185 مەتر، ەنى - 120 مەتر.

كونسەرت زالىنىڭ سىيىمدىلىعى 2500 ادام، ال وپەرا زالى 1500 ادامعا ەسەپتەلگەن. سونىمەن قاتار عيماراتتا كينوزال جانە مەيرامحانا بار.

2007 -جىلى يۋنەسكو- نىڭ بۇكىلالەمدىك مۇراسىنىڭ تىزىمىنە ەندى.

1973 -جىلى سالتاناتتى تۇردە ۇلىبريتانيا پاتشايىمى ەليزاۆەتا II اشتى.

حاربور كوپىرى

سيدنەيدىڭ باستى كورىكتى جەرلەرىنىڭ ءبىرى.

حاربور- بريدج كوپىرى الەمدەگى ەڭ ۇلكەن مەتالدان جاسالعان اركا. ونى حالىق اراسىندا «ىلگىش» دەپ اتاپ كەتكەن.

كوپىر قالانىڭ ىسكەرلىك ورتالىق بولىگىن پورت- دجەكسون شىعاناعىن كەسىپ سولتۇستىك جاعالاۋمەن بىرىكتىرەدى.

بۇل كوپىردە جاياۋ جۇرگىنشىلەرگە، ۆەلوسيپەديستتەرگە، اۆتوكولىكتەرگە ارنالعان جولدار بار.

1932 -جىلى سالىنعان. وسى كوپىردى سالۋ ءۇشىن 1500 جۇمىسشى 8 -جىل ەڭبەك ەتكەن.

كوپىردىڭ جالپى ۇزىندىعى - 1149 مەتر، بيىكتىگى — 134 مەتر.

سيدنەي مۇناراسى

سيدنەيدەگى ەڭ بيىك عيمارات. بيىكتىگى - 305 مەتر. قالانىڭ ورتالىق بيزنەس اۋدانىندا ورنالاسقان.

مۇنارانىڭ جوباسى 1970 -جىلى جاسالىنىپ، ال 1975 -جىلى ونىڭ قۇرىلىسى باستالدى.

سيدنەي مۇناراسىندا باستى ءۇش سەكتسيا بار. ءبىرىنشىسى - 250 مەتر بيىكتىكتە ورنالاسقان جابىق كورۋ الاڭى.

بۇدان 18 مەتر بيىك Skywalk platform اتتى ەدەنى اينەكتەن جاسالىنعان اشىق الاڭ ورىن تەپكەن.

باستى كورۋ الاڭىنىڭ استىندا مەيرامحانا بار.

سيدنەي اكۆاريۋمى

مەكەندەۋشىلەرىنىڭ سان-الۋاندىعىمەن الەمگە تانىمال.

نەگىزگى مەكەنى سۋ بولىپ كەلەتىن، اۆستراليالىق فلورا مەن فاۋنانىڭ 650-دەن استام ءتۇرى بار.

اكۆاريۋم 1988 -جىلى اۆستراليانىڭ 200 -جىلدىعىنا وراي اشىلعان.

اكۆاريۋمدا كەيبىر مەكەندەۋشىلەرى باستى زالدا، ال باسقالارى اشىق وكاەناريۋمدارعا ورنالاستىرىلعان. «اشىق مۇحيت» وكاەناريۋمىندا الەمدەگى ەڭ ۇلكەن اكۋلالار توپتاماسى ۇسىنىلعان. كەيبىر اكۋلالاردىڭ سالماعى 300 ك گ بولسا، ۇزىندىعى 3 مەتردەن استام.