+7 (701) 759 90 19 Лента
20 °С : نۇر-سۇلتان
19 °С : الماتى
USD 386.34 EUR 427.25
RUB 5.88 CNY 54.57
جاڭالىقتار

قاسىم- جومارت توقايەۆ وزىنە قاتىستى سۇراقتارعا اشىق جاۋاپ بەرگەن دەرەكتى فيلم كورسەتىلەدى

18 شىلدە 20:36 47
:ءبولىسۋ
قاسىم- جومارت توقايەۆ وزىنە قاتىستى سۇراقتارعا اشىق جاۋاپ بەرگەن دەرەكتى فيلم كورسەتىلەدى

نۇر- سۇلتان. قازاقپارات - 21 - شىلدەدە مەملەكەت باسشىسى قاسىم- جومارت توقايەۆتىڭ بەلگىلى رەسەيلىك جۋرناليست الەكسەي پيۆوۆاروۆقا بەرگەن سۇحباتىنىڭ نەگىزىندە «پرەزيدەنت 2.0» دەرەكتى فيلمى كورسەتىلەدى، دەپ حابارلايدى قازاقپارات پرەزيدەنتتىڭ باسپا ءسوز حاتشىسى بەرىك ۋاليگە سىلتەمە جاساپ.

«پرەزيدەنت 2.0» دەرەكتى فيلمى 21 - شىلدە كۇنى 22:00 دە «31 ارنادان» كورسەتىلەدى.

«اڭگىمە بارىسىندا قازاقستان پرەزيدەنتى ءوزىنىڭ ءومىربايانىنا، ديپلوماتيالىق مانسابىنا جانە جەكە ۇستانىمدارىنا قاتىستى سۇراقتارعا اشىق جاۋاپ بەرەدى.

فيلمگە XX- XXI ع ع. قازاقستان تاريحىنىڭ جەتىستىكتەرى مەن اقتاڭداق بەتتەرى، قاسىم- جومارت كەمەل ۇلىنىڭ ءومىرى جانە ونىڭ وتباسىنا اسەر ەتكەن وقيعالار ارقاۋ بولدى.

مەملەكەت باسشىسى قازاقستاننىڭ رەسەي، قىتاي جانە باسقا مەملەكەتتەرمەن قارىم- قاتىناستارىنا توقتالىپ، ءوزى كەزدەسكەن كوپتەگەن كورنەكتى الەمدىك ساياساتكەرلەر جونىندە وي- پىكىرىمەن بولىسەدى» ، دەپ جازادى بەرىك ءۋالي Facebook تەگى پاراقشاسىندا.

ونىڭ ايتۋىنشا، كورەرمەن فيلمنەن قاسىم- جومارت توقايەۆتىڭ ءوز اتىنا ايتىلعان ماقتاۋ سوزدەرگە كوزقاراسى، دىنگە قاتىستى پىكىرى، وقيتىن كىتاپتارى جانە ولاردىڭ اۆتورلارى تۋرالى بىلەتىن بولادى.

«اتالعان فيلم پرەزيدەنتتىڭ شەتەلدىك جانە وتاندىق ب ا ق- قا بەرگەن ءبىرقاتار سۇحباتىنىڭ جالعاسى ىسپەتتى. ءتورت ايعا جۋىق ۋاقىت ىشىندە مەملەكەت باسشىسىنىڭ ءباسپاسوز قىزمەتى قاسىم- جومارت كەمەل ۇلىنىڭ «ەگەمەن قازاقستان» جانە «ايقىن» رەسپۋبليكالىق گازەتتەرىنە؛ رەسەيلىك «كوممەرسانت» ، «روسسييسكايا گازەتا» باسىلىمدارىنا؛ وزبەكستاننىڭ «ۋزا» ۇلتتىق اقپاراتتىق اگەنتتىگىنە؛ «روسسيا» تەلەارناسىنا؛ امەريكالىق White House Chronicle تەلەحابارىنا؛ يزرايلدىك Israel Hayom باسىلىمىنا؛ امەريكالىق Wall Street Journal گازەتىنە؛ Euronews تەلەارناسىنا؛ Bloomberg اگەنتتىگىنە سۇحباتتارىن ۇيىمداستىردى.

بۇدان بولەك، پرەزيدەنت سايلاۋالدى ناۋقان كەزىندە جۋرناليستەرمەن ءجيى كەزدەستى. سونداي- اق، سايلاۋ قورىتىندىسى بويىنشا وتكىزىلگەن باسپا ءسوز ءماسليحاتىندا كوپتەگەن ماڭىزدى سۇراقتارعا جاۋاپ بەردى» ، دەلىنگەن جازبادا.

«پرەزيدەنت 2.0» دەرەكتى فيلمى 21 شىلدەدە ساعات 22:00 دە «31 - ارنادان» كورسەتىلەدى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات