ا ق ش - تەريتورياسىنان دينوزاۆردىڭ جاڭا ءتۇرى تابىلدى
ا ق ش- تىڭ قازىر بيگ- بەند ۇلتتىق ساياباعى ورنالاسقان اۋماعىندا تىرشىلىك ەتكەن دينوزاۆر مۇرىن مەن يەگىنىڭ قۇرىلىمىمەن ەرەكشەلەنەدى. ونىڭ يەگى كادىمگى ۇيرەككە ۇقسايدى.
بۇل دينوزاۆردىڭ قالدىقتارىن العاش 1980 -جىلدارى تەحاس ۋنيۆەرسيتەتىنىڭ پروفەسسورى توم لەمان باستاعان زەرتتەۋشىلەر توبى تاپقان. الايدا ول كەزدە ماماندار سۇيەكتەردىڭ ناقتى قاي دينوزاۆرعا تيەسىلى ەكەنىن انىقتاي الماعان. دينوزاۆردىڭ بۇرىن- سوڭدى كەزدەسپەگەن بۇل ءتۇرى مۇرنىنىڭ قۇسقا ۇقساس بولۋىنا بايلانىستى Aquilarhinus palimentus دەگەن اتاۋ الدى. ساراپشىلار دينوزاۆردىڭ مۇرنىندا بۇركىتتىڭ تۇمسىعىنا ۇقساس بەرىك، ال تومەنگى يەگى W ءارپى پىشىنىنە ساي كەلەتىنىن انىقتاعان. Aquilarhinus palimentus دينوزاۆرلارى باستاپقى كەزدە ا ق ش- تىڭ وڭتۇستىك- شىعىسىندا مەكەندەگەن.
وتكەن جىلى ارحەولوگتار قىتايدىڭ شاندۋڭ پروۆينسياسىندا شامامەن 120 ميلليون جىل بۇرىن جاساعان 7 ءتۇرلى دينوزاۆردىڭ 300 گە تارتا ءىزىن تاپتى. لين ۋنيۆەرسيتەتى ماڭىنداعى گەولوگيا جانە پالەونتولوگيا ينستيتۋتى ديرەكتورى ۆان ءسيوليننىڭ حابارلاۋىنشا، وسى ۋاقىتقا دەيىن دينوزاۆر قالدىقتارى كەزدەسىپ كورمەگەن شاندۋندا ولاردىڭ ىزدەرىنىڭ تابىلۋى عالىمداردى تاڭعالدىرعان. ارحەولوگتار تابىلعان ىزدەرگە قاراپ دينوزاۆرلار تۋرالى كەيبىر مالىمەتتەردىڭ جاڭساقتىعىنا كوز جەتكىزىپ وتىر. سەبەبى تابىلعان ىزدەردىڭ نەگىزگىسى دەينونيحتەرگە تيەسىلى (وسىدان 121-98 ميلليون جىل بۇرىن جاساعان كەسىرتكىگە ۇقسايتىن بويى 3,3-5 مەتر، سالماعى 70 كەلى بولاتىن جىرتقىش دينازاۆرلار تۇرىنە جاتادى) . ال عالىمدار ولاردى جەكە- دارا ءومىر سۇرگەن دەپ كەلگەن ەدى. ءبىراق تاستاعى تاڭبالار دەينونيحتەردىڭ توپتاسىپ ءومىر سۇرگەنىن دالەلدەيدى.
Massaget.kz