+7 (701) 759 90 19 Лента
14 °С : نۇر-سۇلتان
13 °С : الماتى
USD 386.34 EUR 427.25
RUB 5.88 CNY 54.57
جاڭالىقتار

ادام ميى مەن كومپيۋتەر بايلانىسى

19 شىلدە 03:19 41
:ءبولىسۋ
ادام ميى مەن كومپيۋتەر بايلانىسى

نۇر – سۇلتان. قازاقپارات - يلون ماسك 2017 -جىلى Neuralink اتتى ستارتابىن باستادى. جوبا كەزەڭ- كەزەڭىمەن ىسكە اسىپ كەلەدى. ونىڭ كەزەكتى ونەرتابىسى ادام ميى مەن كومپيۋتەر بايلانىسىنا ارنالعان.

16 - شىلدە كۇنى ماسك Neuralink «جىپتەرىن» تانىستىردى. Neuralink ماقساتى - سال بولىپ قالعان ادامداردىڭ ميىنا «ءجىپ» جالعاپ، كومپيۋتەر مەن سمارتفوندى قولدانۋعا مۇمكىندىك بەرۋ. سول ارقىلى ادامدار وي ەڭبەگىمەن ءماتىن تەرىپ، ينتەرنەتتى اقتارا الادى. تەحنولوگيانىڭ ميعا زيانى بارىنشا ازايتىلعان. يىلگىش، وتە جۇقا جىپتەر ارنايى ينە كومەگىمەن ميعا ورناتىلادى. ونىڭ قالىڭدىعى ادام شاشىنان دا جۇقا - 4-6 ميكرومەتر. ەلەكترودتى جىپتەر يمپلانتاتسيادان كەيىن مي بەلسەندىلىگىن باقىلاپ، دەرەكتەردى قۇلاق ارتىنا ورناتىلعان قۇرىلعىعا جىبەرىپ وتىرادى. ول قۇرىلعى دەرەكتەردى كومپيۋتەرگە جىبەرەدى.

ءبىر مينۋتتا التى ءجىپتى ميعا ورناتا الاتىن نەيروحيرۋرگيالىق روبوتتى دا جاساپ شىعارعان. روبوت ادامنىڭ قانتامىرلارىن زاقىمداپ الماۋ ءۇشىن، جوعارى ساپالى وپتيكا پايدالانادى. يمپلانتتاردى باس سۇيەكتەگى 8 ميلليمەترلىك ءتورت تەسىكتەن وتكىزەدى. بولاشاقتا جىپتەر ناركوز كومەگىنسىز لازەر ارقىلى ورناتىلۋى مۇمكىن. Neuralink زەرتحانا تىشقاندارىنا 19 وتا جاساعان. %87 جاعدايدا جىپتەر ءساتتى ورناتىلعان. كومپانيا پرەزەنتاتسيادا تاجىريبەدەگى تىشقاننىڭ بىرەۋىن كورسەتتى. ونىڭ باسىنا USB- C- پورت كومپيۋتەرگە مي بەلسەندىلىگى جايلى اقپاراتتى جەتكىزىپ جاتىر. ونىڭ جىلدامدىعى قازىرگى قۇرىلعىلاردان گورى ون ەسە جىلدام. ءبىراق Type-C - نەيروينتەرفەيستەرگە وڭتايلى نۇسقا ەمەس. سوندىقتان بولاشاقتا كومپانيا N1 اتتى قۇلاق ارتىنا ورناتىلاتىن ءچيپتى قولدانباق.

ادامعا تىم كىشكەنتاي، ميعا تىم ۇلكەن چيپ قازىردىڭ وزىندە پريماتتار Neuralink تەحنولوگياسىمەن كومپيۋتەردى باسقارۋعا قابىلەتتى. كەلەسى جىلى Neuralink تاجىريبەنى ادامدارعا جاساپ كورمەك، ول ءۇشىن ا ق ش- تىڭ ازىق- تۇلىك جانە ءدارى- دارمەكتەر باسقارماسىنىڭ رۇقساتى كەرەك.

ماسك پرەزەنتاتسيادا: «بولاشاقتا ميلليونداعان ادام ءوز اعزاسىن كيبەرنەتيكالىق تۇرعىدا دامىتىپ، يملانتاتسيالانعان چيپتەر كومەگىمەن ساندىق اقپارات الماسىپ نەمەسە شەتەلدىك ءبىر ءتىلدى ميىنا قۇيا الادى. بۇل ءبىرتۇرلى ەستىلەتىن شىعار، ءبىراق بولاشاقتا ءبىز جاساندى ينتەللەكىتىمەن تىعىز بايلانىس ورناتا الامىز. بۇل مىندەتتى دۇنيە ەمەس، ادامزاتتىڭ قالاۋىنداعى نارسە»، - دەدى.

Massaget.kz


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات