+7 (701) 759 90 19 Лента
23 °С : نۇر-سۇلتان
23 °С : الماتى
USD 386.71 EUR 429.17
RUB 6.02 CNY 54.66
جاڭالىقتار

بۇدان بىلاي ەمحانالارعا تەك ح ق ك و ارقىلى عانا تىركەلۋگە بولادى

18 شىلدە 18:50
:ءبولىسۋ
بۇدان بىلاي ەمحانالارعا تەك ح ق ك و ارقىلى عانا تىركەلۋگە بولادى

نۇر- سۇلتان. قازاقپارات - شىلدەنىڭ بىرىنەن باستاپ قازاقستاندا ەمحانالارعا تىركەۋ حالىققا قىزمەت كورسەتۋ ورتالىقتارى ارقىلى جۇزەگە اسىرىلادى بۇل تۋرالى قازاقپارات «الەۋمەتتىك مەديتسينالىق ساقتاندىرۋ قورى» ك ە ا ق باسپا ءسوز قىزمەتىنە سىلتەمە جاساپ حابارلايدى.

بۇل شارا ەمحانالاردىڭ وكىلەتتىگىن اسىرا پايدالانۋىنا جول بەرمەۋ ماقساتىندا قولعا الىنىپ وتىر. ويتكەنى، ەلىمىزدە تۇرعىنداردى «سىرتتاي» تىركەۋ فاكتىلەرى بارى جاسىرىن ەمەس. بۇرىن زاڭ بۇزۋشىلىق بولعان- بولماعانىن انىقتاۋ ءۇشىن ادامداردىڭ قولتاڭباسىن سالىستىرىپ، قۇجاتتاردى تەكسەرۋ قاجەت بولاتىن. قازىر قىزمەت اۆتوماتتاندىرىلدى، سوندىقتان بۇدان بىلاي ونى تەكسەرۋ قيىندىق تۋدىرمايدى.

«الەۋمەتتىك مەديتسينالىق ساقتاندىرۋ قورى» ك ە ا ق باسقارۋشى ديرەكتورى زابيرا ورازاليەۆانىڭ ايتۋىنشا، اتالعان شارا ازاماتتار ءۇشىن قوسىمشا توسقاۋىلدار تۋدىرماۋى ءتيىس. كەرىسىنشە، تىركەۋ پروتسەسىن اشىق، وبەكتيۆتى جۇرگىزۋگە مۇمكىندىك بەرەدى.

«حالىققا قىزمەت كورسەتۋ ورتالىعىندا كەزەككە تۇرۋدىڭ قاجەتى جوق. وندا وزىنە- ءوزى قىزمەت كورسەتۋگە ارنالعان بۇرىشتار بار. ارنايى ماماندار ەلەكتروندى سيفرلىق قولتاڭبانى پايدالانىپ، ەمحاناعا تىركەلۋگە كومەكتەسەدى. ال، ەگەر سيفرلىق قولتاڭباڭىز بولسا ەشقايدا بارماي- اق، egov.kz ەلەكتروندى ۇكىمەت پورتالى ارقىلى دا تىركەلۋگە بولادى» ، - دەدى زابيرا ورازاليەۆا.

باسقارۋشى ديرەكتوردىڭ سوزىنە سۇيەنسەك، قور باسشىلىعى تىركەۋ پروتسەسىن ەمحانا قىزمەتكەرلەرىنىڭ ارالاسۋىنسىز ۇيىمداستىرۋ ماقساتىندا وسىنداي قادامعا بارىپ وتىر. ويتكەنى، ەمحانانىڭ تىركەۋ ءبولىمى تىركەلۋ ءۇشىن مەكەنجاي انىقتاماسىن، ءتىپتى، اناليز تاپسىرۋدى تالاپ ەتكەنى جايلى ارىز- شاعىم بولعان ەدى. شىن مانىندە، تىركەلۋ ءۇشىن جەكە كۋالىك پەن باس دارىگەردىڭ اتىنا جازىلعان وتىنىشتەن باسقا قۇجات قاجەت ەمەس.

«تىركەلۋدىڭ وزىندىك ءتارتىبى بار. ۇيگە دارىگەر شاقىرۋ، « ءتورتىنشى» سانات بويىنشا جەدەل جاردەم شاقىرۋ ءۇشىن اۋماقتىق پرينتسيپ ساقتالۋى قاجەت. مىسالى، ەگەر ءسىز تۇراتىن اۋداندا ءۇش ەمحانا بولسا، سونىڭ كەز- كەلگەنىن تاڭداي الاسىز. ءبىراق ءبىز ۇيگە جاقىن ماڭدا ورنالاسقان ەمحانانى تاڭداۋعا كەڭەس بەرەمىز. بۇل قاجەت بولعان كەزدە ۋچاسكەلىك دارىگەردىڭ ۇيگە تەز جەتۋىنە، تيىسىنشە كومەك كورسەتۋىنە مۇمكىندىك بەرەدى. ادەتتە، ءوز ۋچاسكەسىندەگى پاتسيەنتتەردىڭ دەنساۋلىق جاعدايىن ۋچاسكەلىك تەراپيەۆت جاقسى بىلەدى» ، - دەيدى م س ق باسقارۋشى ديرەكتورى.

ەستەرىڭىزگە سالا كەتسەك، ازاماتتار ءوزى تۇراتىن ميكروۋچاسكەدەن تىس جەردەگى ەمحاناعا دا تىركەلە الادى. جان باسىنا شاققانداعى نورماتيۆ بويىنشا، مۇندايدا دارىگەر شاقىرتۋ بويىنشا ناۋقاستىڭ ۇيىنە بارىپ قىزمەت كورسەتۋگە مىندەتتى.

«بىلتىر ارنايى بۇيرىققا وزگەرىستەر ەنگىزىلگەن بولاتىن. ازاماتتاردان «ۇيگە دارىگەر شاقىرۋ قىزمەتىنەن باس تارتۋ» تۋرالى ءوتىنىش جازدىرىپ الۋعا ەمحانالاردىڭ قۇقى جوق. مۇنداي زاڭ بۇزۋشىلىقتار بولىپ جاتسا قور مىندەتتى تۇردە ارالاسادى. ەگەر ءوزىڭىز تۇراتىن ميكروۋچاسكەدەن تىس ورنالاسقان ەمحانانى تاڭداساڭىز، اتالعان ەمدەۋ مەكەمەسى سىزگە باستاپقى مەديتسينالىق- سانيتارلىق قىزمەتتىڭ بارلىق تۇرلەرىن كورسەتۋگە مىندەتتى. ال، ءتورتىنشى ساناتتاعى شاقىرتۋلار بويىنشا ءسىز تۇراتىن اۋدانداعى ەمحانامەن قوسىمشا كەلىسىمشارت بەكىتۋى ءتيىس. سوندا قاجەت بولعان جاعدايدا، جەدەل جاردەم تىركەلگەن ەمحانادان ەمەس، جاقىن ماڭداعى ەمحانادان كەلەدى» ، - دەيدى ز. ورازاليەۆا.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات