جاڭاتاستا ورتا ازياداعى ەڭ ءىرى جەل ەلەكتر ستانساسىنىڭ قۇرىلىسى باستالدى
قۇرىلىس جۇمىستارىنىڭ العاشقى كەزەڭى باستالعان بۇل جەل ەلەكتر ستانساسى الداعى ۋاقىتتا ورتا ازياداعى جەلدەن ەلەكتر قۋاتىن وندىرەتىن ەڭ ۇلكەن ستانسا بولماق.
بۇل ەلەكتر ستانساسىن سالۋ تۋرالى كەلىسىم ينۆەستورلارمەن 2013 -جىلدىڭ مامىر ايىندا جۇرگىزىلدى. قازىر باعانالاردى ورناتۋ جۇمىستارىنا مامانداردان بولەك، جەرگىلىكتى تۇرعىنداردان 300 گە جۋىق ادام تارتىلعان. جوبانىڭ جالپى قۇنى - 130 ميلليون دوللار. بۇل نىساننىڭ قۇرىلىسى 2020 -جىلى تولىق اياقتالىپ، 40 ادام تۇراقتى جۇمىس ىستەيدى دەپ كۇتىلۋدە.
«قازىرگى ۋاقىتتا جوبانى جۇزەگە اسىرۋ ءۇشىن سارىسۋ اۋدانى اكىمدىگىنىڭ تۇركىستان اۋىلدىق وكرۋگىنەن 233 گەكتار جەر بەرىلگەن. ينۆەستيتسيالىق جوبا اياسىندا جەرگىلىكتى حالىقتىڭ جاعدايىن جاساۋمەن قاتار الەۋمەتتىك- ەكونوميكالىق دامۋعا سەرپىن بەرىلمەك. جەل ەلەكتر ستانساسىنىڭ قورشاعان ورتاعا سانيتارلىق- ەپيدەميولوگيالىق اسەرى تولىق تەكسەرىلىپ، وبلىس اكىمدىگىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ وڭ قورىتىندىسىن الدى. قۇرىلىس جۇمىستارىنىڭ العاشقى كەزەڭىن باستاعالى وتىرعان جەل ەلەكتر ستانساسى ورتا ازياداعى ەلەكتر قۋاتىن وندىرەتىن ەڭ ۇلكەن ستانسا بولماق» ، - دەدى وبلىس اكىمىنىڭ ورىنباسارى نۇرجان كالەندەروۆ.
ايتا كەتەيىك، جوبانىڭ نەگىزگى اكسيونەرى - «ۆيزور قازاقستان» كومپانياسى. «جاڭاتاس جەل ەلەكتر ستانساسى» ج ش س ءبىرىنشى جارتىجىلدىقتا سارىسۋ اۋدانى ەكونوميكاسىنىڭ نەگىزگى كاپيتالىنا 4,5 ميلليارد تەڭگە كولەمىندە ينۆەستيتسيا سالىپ، نەگىزگى كورسەتكىشتەردىڭ ورىندالۋىنا وڭ اسەرىن تيگىزدى.
سالتاناتتى شارادا كەلىسىم شارتقا قول قويىلىپ، ينۆەستورلار اۋداندىق اۋرۋحاناعا جەدەل جاردەم كولىگىن سىيعا تارتتى.