جانار ايجانوۆا پسيحولوگتارعا سەنەتىندەردى قاتاڭ سىنعا الدى
ونەر يەسىنىڭ كەزەكتى جازباسى ءتۇرلى پسيحولوگتار مەن ترەنينگتەرگە سەنەتىندەرگە ارنالعان دەپ جازادى KAZ. NUR. KZ.
ءانشى جەلىدەگى پاراقشاسىندا قازاقتىڭ اس قايتارۋى مەن باتاسىن ەسكىلىكتىڭ داستۇرىنە تەڭەپ، قازىر ءتۇرلى ترەنەرلەردى اۋزىن اشىپ، كوزىن جۇمىپ تىڭدايتىنداردى سىنعا الدى.
«ءسىزدىڭ ۇيدە «اس قايتارۋ»، «باتا بەرۋ» ءداستۇرى ساقتالعان با؟ قازىر بۇلاردى ءبىزدىڭ قوعامنىڭ ەسكىنىڭ قالدىعى كورەدى. ءبىراق شەتەلدىك ءبىر پسيحولوگ، ترەنەرلەر «اففيرماتسيا»، «سيلا سلوۆا»، «ەنەرگيا سلوۆا» دەپ باس قاتىرسا، اۋىزدارىن اشىپ، كوزدەرىن جۇمىپ تىڭدايدى.
شەتەل كورمەگەن، كىتاپ اشىپ وقىماعان، تەك دالانىڭ پالساپاسىمەن ءومىر سۇرگەن بابالارىمىز سول ءسوز قۇدىرەتىن باياعىدا ءبىلىپ، تاجىريبەدە قولدانعان ەدى عوي! قازىر توي-تومالاق، جيىنداردا ۇلكەندەردەن باتا الىپ جارىتپايمىز. تىلەك ايتىپ كەتەدى. «سول ءۇشىن الىپ قويايىق» دەپ ءبىتىرىپ، ۇياتقا قالدىرادى. ال ناعىز باتانىڭ استارى، ءار ءسوزىنىڭ سالماعى، تاربيەلىك ءمانى بار ەدى»، - دەيدى جانار ايجانوۆا.
اكتريسانىڭ ايتۋىنشا، ءبىزدىڭ باتا بەرۋ ءداستۇرىن جاپوندىقتار زەرتتەگەنىمەن، ءسوزدى قولدانۋ شەبەرلىگىن مەڭگەرە الماپتى.
«جاپون حالقى قازاقتىڭ باتا بەرۋ ءداستۇرىن زەرتتەگەن. سودان باتانىڭ ادامعا موتيۆاتسيالىق اسەرىن، ميعا پروگرامما سالۋ قاسيەتىن انىقتاپتى. وزدەرىنە وسى ءداستۇردى ەنگىزىپ، ءسوزدىڭ قۋاتىن قولدانعىسى كەلگەن ەكەن. الايدا قازاقتىڭ باتا بەرۋىندەگى باستى ەرەكشەلىك - ءسوزدى شەبەر پايدالانۋدى جەتكىزە الماپتى.
باتا بەرۋ جاي عانا تىلەكتەر تىزبەگى ەمەس: ءار ءسوزدى ورىندى قولدانۋ. قىزعا، ايەلگە، اناعا، كەلىنگە دەگەن باتا بولەك-بولەك. جاس بالا، جىگىت، ازاماتقا دەگەن باتا بولەك-بولەك. ءارقايسىنا ارنالعان ءسوز بار. سول ءسوز ارقىلى جۇكتەلەتىن وي، سەنىم، ماقسات بار.
سوندىقتان باتا بەرۋدى داستۇرگە اينالدىرىڭىزدار. جاقسى باتا - جاقسى كوڭىل كۇيدى ساقتايدى، قارىم-قاتىناس ۇيىتقىسى بولادى، جاقىنداستىرادى، قۋات بەرەدى. اتادان باتا العان ۇل - ەستى، قىز - كورگەندى. ەنەدەن باتا العان كەلىن - ۇياتتى بولادى. سول باتا ارقىلى اتا- ەنەنىڭ ستاتۋسى كورىنەدى. سىيلاۋعا لايىق بيىگىنە شىعادى»، - دەپ اياقتادى ءانشى جازباسىن.
ەستەرىڭىزگە سالا كەتەيىك، جانار ايجانوۆا وسىعان دەيىن قۇدالىقتاعى كيىتكە قىرقىساتىن قۇداعيلار جايلى ايتقان بولاتىن.