ا ق ش- تاعى تانىمال باسپا اباي كىتابىن ءوز قارجىسىنا شىعارماق

نۇر- سۇلتان. قازاقپارات - امەريكادا تانىمال باسپا ابايدىڭ كىتابىن جارىققا شىعارادى. بۇل تۋرالى جازۋشى روللان سەيسەنبايەۆ ايتتى، دەپ حابارلايدى قازاقپارات ءتىلشىسى.

«الداعى جىلى اباي بابامىزدىڭ 175 جىلدىعىن اتاپ وتىلمەك. بۇل ۇلكەن توي، ياعني ول ءبىزدىڭ مادەنيەتىمىزدىڭ، قازاق ءتىلىنىڭ تويى. اباي كىتاپتارى بۇگىندە كوپتەگەن شەت تىلدەرگە اۋدارىلدى. كەلەسى جىلى الەم كلاسسيكتەرىڭ قاتارىندا ا ق ش- تا ۇلى اقىنىڭ كىتابىن جارىققا شىعارامىز»، - دەدى ر. سەيسەنبايەۆ 2020 -جىلى اباي قۇنانباي ۇلىنىڭ 175 جىلدىق مەرەيتويىن وتكىزۋ جونىندەگى مەملەكەتتىك كوميسسيانىڭ العاشقى وتىرىسىنىڭ الدىندا.

ونىڭ سوزىنە قاراعاندا، امەريكالىق باسپا اعىلشىن تىلىنە اۋدارىلعان كىتاپتىڭ شىعۋىن ءوزى قارجىلاندىرادى.

«الەم ابايدى وقىپ كەلەدى. ۇلى ويشىلدى بۇكىل الەمگە تانىستىرۋ ءۇشىن ءتيىستى جۇمىستاردى جۇرگىزۋ كەرەك، ياعني اباي مەكتەبىن بارشا الەمگە شىعارعان ماڭىزدى. 1995 -جىلى لوندوندا «اباي ءۇيىن» اشقان ەدىم. وسىنداي ۇلكەن يدەيالارعا ۇكىمەت باستاماشىلىق ەتۋى كەرەك. بۇكىل الەمدە اباي مەكتەبى جۇمىس ىستەگەن جاعدايدا، قازاقتاردى بارشا الەم بىلەتىن بولادى»، - دەدى ر. سەيسەنبايەۆ.

ايتا كەتەيىك، بۇگىن ق ر پرەمەر- ءمينيسترىنىڭ ورىنباسارى گۇلشارا ءابدىقالىقوۆانىڭ توراعالىعىمەن 2020 -جىلى قازاق حالقىنىڭ ۇلى اقىنى، اعارتۋشىسى اباي قۇنانباي ۇلىنىڭ تۋعانىنا 175 جىلدىق مەرەيتويىن وتكىزۋ جونىندەگى مەملەكەتتىك كوميسسيانىڭ العاشقى وتىرىسى ءوتتى.

جيىن بارىسىندا حالىقارالىق، رەسپۋبليكالىق جانە وڭىرلىك دەڭگەيدەگى 500-گە جۋىق ءتۇرلى شارا قامتىلعان اباي قۇنانباي ۇلىنىڭ 175 جىلدىق مەرەيتويىنا دايىندالۋ مەن وتكىزۋ جونىندەگى جالپى رەسپۋبليكالىق جوسپاردىڭ جوباسى قارالدى.

اۆتور: رۋسلان عابباسوۆ