كانەلو گولوۆكينمەن ءۇشىنشى جەكپە-جەگىن تاعى دا كەيىنگە قالدىردى

نۇر-سۇلتان. قازاقپارات - مەكسيكالىق بوكسشى ساۋل الۆارەس (52-1-2، 34 ك و) كومانداسىنىڭ قىركۇيەكتەگى جەكپە-جەكتەن باس تارتاتىندىعىن جاريالادى، دەپ حابارلايدى قازاقپارات Sports.kz-كە سىلتەمە جاساپ.

«مەكسيكا ۇلى رەتىندە، مامىر جانە قىركۇيەك ايلارىندا ەلىمنىڭ نامىسىن قورعاۋ - مەن ءۇشىن ۇلكەن ابىروي. ءبىراق، بىرنەشە سالماق ساناتىنداعى الەم چەمپيونى رەتىندە تارتىستى ءارى قىزىقتى جەكپە-جەكتەر وتكىزۋدىڭ جاۋاپكەرشىلىگىن دە سەزىنەمىن. سوندىقتان Golden Boy جانە مەنىڭ كوماندام جەكپە-جەكتىڭ ۋاقىتىن كەيىنگە قالدىرعاندى ءجون سانادىق - بۇل فاناتتارىم ءۇشىن دۇرىس شەشىم. ءبىز ۇزدىك قارسىلاسقا قارسى ۇزدىك جەكپە-جەك وتكىزگىمىز كەلەدى، - دەپ مالىمدەدى «كانەلو».

ەسكە سالا كەتەيىك، اۋەل باستا 14- قىركۇيەك كۇنى ساۋل الۆارەس قازاقستاندىق بوكسشى گەننادي گولوۆكينمەن (39-1-1، 35 ك و) ءۇشىنشى رەت جەكپە-جەك وتكىزەدى دەپ جوسپارلانعان ەدى.