+7 (701) 759 90 19
-8 °С : نۇر-سۇلتان
-2 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

فۋتبولدان چەمپيوندار ليگاسى: «استانا» جارىستى جالعاستىرا المايدى

18 شىلدە 07:33
:ءبولىسۋ
فۋتبولدان چەمپيوندار ليگاسى: «استانا» جارىستى جالعاستىرا المايدى

نۇر-سۇلتان. قازاقپارات - ەلوردالىق «استانا» فۋتبولدان UEFA چەمپيوندار ليگاسى دوداسىنان شىعىپ قالدى. ولار بۇگىن سىرت الاڭدا رۋمىنيانىڭ چ ف ر كومانداسىنا 1:3 ەسەبىمەن جول بەردى، دەپ حابارلايدى قازاقپارات ءتىلشىسى.

ويىننىڭ ءبىرىنشى كەزەڭى قارسىلاس كوماندانىڭ باسىمدىعىمەن اياقتالعان بولاتىن.

ەكىنشى كەزەڭنىڭ العاشقى مينۋتىنان رۋمىن ويىنشىلارى ءبىزدىڭ كوماندانى تىقسىرا باستادى. كەزدەسۋدىڭ 50-مينۋتىنا دەيىن ولاردىڭ گول سوعاتىن بىرنەشە مۇمكىندىگى بولدى. دەسە دە ونى الاڭ يەلەرى ءتيىمدى پايدالانا العان جوق.

ال 73-مينۋتتا بيلەل ومراني تاعى ءبىر سوعىپ كەتتى. تابلودا چفر كومانداسىنىڭ پايداسىنا 3:1 ەسەبى جانىپ تۇردى. ويىننىڭ سوڭىندا «استانا» شابۋىلشىسى رانگەلو يانگا گول سوعاتىن مۇمكىندىكتى ءمۇلت جىبەرىپ الدى.

كەزدەسۋدە چفر كومانداسى «استانانى» 3:1 ەسەبىمەن جەڭىپ كەتتى. ناتيجەسىندە جارىستىڭ كەلەسى ساتىسىنا رۋمىن كومانداسى جولداما الدى. ەندى ولار 23- جانە 30- شىلدە كۇندەرى يزرايلدىڭ «ماككابي» (تەل- اۆيۆ) كومانداسىمەن كەزدەسەدى.

ەندى «استانا» UEFA ەۋروپا ليگاسىندا سىنعا تۇسەدى. ەلوردالىق كلۋب اتالمىش تۋرنيردىڭ ەكىنشى ىرىكتەۋ كەزەڭىندە اندوررانىڭ «سانتا-كولوما» كومانداسىمەن وينايدى. ويىندار 23- شىلدە جانە 1- تامىز كۇندەرى بولادى.

ەستەرىڭىزگە سالا كەتەلىك، ەكى كوماندا اراسىنداعى العاشقى كەزدەسۋ ەلوردادا وتكىزىلدى. بۇل ويىندا «استانا» 1:0 ەسەبىمەن باسىم تۇسكەن بولاتىن.

«استانا» ايتۋلى الامانعا بيىل بەسىنشى جىل قاتارىنان قاتىستى. بۇدان بۇرىنعى جىلداردا ءبىر مارتە ۋەفا چەمپيوندار ليگاسىنىڭ توپتىق كەزەڭىندە س توبىندا سىنعا ءتۇستى. قالعان جىلداردا اتالمىش تۋرنيردىڭ ءۇشىنشى جانە پلەي-وفف كەزەڭدەرىندە ءسۇرىنىپ، ناتيجەسىندە ۋەفا ەۋروپا ليگاسى توپتىق كەزەڭىندە باق سىنادى.

العاشقى ءۇش جىلدا بولگار مامانى ستانيمير ستويلوۆ كومانداعا باپكەرلىك جاساسا، بىلتىر ونى جەرگىلىكتى باپكەر گريگوري بابايان اتقاردى.

سونداي-اق، 18- شىلدەدە قازاقستاندىق ءۇش كلۋب UEFA ەۋروپا ليگاسى ءبىرىنشى ىرىكتەۋ كەزەڭىندەگى قارىمتا كەزدەسۋ ويىندارىن وتكىزەدى. ءوز الاڭىندا نۇر-سۇلتان ۋاقىتىمەن 18.00 دە قوستانايدىڭ «توبىلى» ليۋكسەمبۋرگتىڭ «جەنەسس ەش»، 20.30 دا الماتىنىڭ «قايراتى» بوسنيا جانە گەرتسوگوۆينانىڭ «شيروكي بريەگ» كلۋبىن قابىلداسا، سىرت الاڭدا 23.00 دە شىمكەنتتىڭ «ورداباسى» كلۋبى گرۋزيانىڭ «تورپەدو» (كۋتايسي) كومانداسىمەن شەبەرلىك بايقاسادى.


باستى سوزدەر: سپورت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات