تامىز ايىندا «جاستار كەرۋەنى» جول تارتادى
ق ر اقپارات جانە قوعامدىق مينيسترلىگىنىڭ قولداۋىمەن باستاۋ العان «Jastar kerýeni» جوباسىنا قاتىسۋشىلاردى ىرىكتەۋ كەزەڭى ءوتىپ جاتىر. قازاقستان جاستار كونگرەسىنىڭ اتقارۋشى ديرەكتورى توقتار بولىسوۆتىڭ ايتۋىنشا، كونكۋرس ناتيجەسى 25 شىلدەدە بەلگىلى بولادى.
ىرىكتەۋدەن وتكەن جاستار 12 - تامىز كۇنى نۇر- سۇلتان قالاسىندا وتاندىق ەسترادا جۇلدىزدارىنىڭ قاتىسۋىمەن سلەت وتكىزىپ، ەرتەڭىندە 7 باعىت بويىنشا ساپارعا اتتانادى.
اقمولا، الماتى، قاراعاندى، پاۆلودار، ورال، وسكەمەن، شىمكەنت قالالارىنا جول تارتقان بەلسەندى جاستار 4 كۇن بويى 7 ءوڭىردىڭ تۋريستىك نىساندارى مەن كيەلى ورىندارىن ارالاپ، العان اسەرلەرىن الەۋمەتتىك جەلىگە جاريالايتىن بولادى. ۇيىمداستىرۋشىلار وسى ارقىلى جاستار اراسىندا ىشكى تۋريزمدى دامىتۋعا اتسالىسپاقشى.
«جاستار - قوعامنىڭ قوزعاۋشى كۇشى، الەۋمەتتىك جەلىدە بەلسەندى جاستار تۋريزم سالاسىندا ترەندتەر قالىپتاستىرىپ وتىر. سوندىقتان، ءار باعىتقا جاستارمەن بىرگە بلوگەرلەر بارادى. جاستار سولار بولىسكەن اقپارات ارقىلى ەلىمىزدىڭ تۋريستىك الەۋەتى جوعارى وڭىرلەر تۋرالى تولىققاندى اقپارات الاتىن بولادى» ، - دەيدى توقتار بولىسوۆ.
ونىڭ ايتۋىنشا، تۋريستىك كەرۋەن سوڭىندا وعان قاتىسۋشىلار وزدەرى اياق باسقان ورىندارداعى ينفراقۇرىلىمدىق ماسەلەر بويىنشا ءتيىمدى ۇسىنىستار بەرۋى ءتيىس.
«قازىردىڭ وزىندە مىڭنان استام ۇسىنىس ءتۇستى. شىلدەنىڭ اياعىنا دەيىن ولاردىڭ سانى 2000 عا جەتەدى دەپ ويلاپ وتىرمىز. ىرىكتەۋدەن وتكەن جاستار ساپار سوڭىندا ءوز ۇسىنىستارىن بەرەدى. ونى جيناقتاپ ءتيىستى مەملەكەتتىك ورگاندارعا جولدايمىز. ياعني، جاستار اقىسىز قىدىرىپ قانا قايتپاي، جەر- جەردەگى تۋريزم ينفراقۇرىلىمىن قالاي شەشۋ كەرەكتىگى جونىندە ءوز ۇسىنىستارىن ايتاتىن بولادى» ، - دەدى ول.
ق ر اقپارات جانە قوعامدىق دامۋ مينيسترلىگىنە قاراستى جاستار جانە وتباسى ىستەرى كوميتەتى ءتوراعاسىنىڭ ورىنباسارى شاحماردان بايمانوۆتىڭ ايتۋىنشا، بۇل شارا دا جاستار جىلى قارساڭىندا ۇيىمداستىرىلىپ وتىر.
«بيىل ەلىمىزدە جاستا جىلى» جاريالانۋىنا بايلانىستى 89 باعىت بويىنشا جوبالاردىڭ جول كارتاسى دايىندالعان بولاتىن. سونىڭ ىشىندەگى ەڭ ءىرى جوبانىڭ ءبىرى وسى «Jastar kerýeni»، - دەدى منيسترلىك وكىلى.