ماماندار ءدامدى قاربىزدى تاڭداۋدىڭ وڭاي ءادىسىن اتادى

نۇر- سۇلتان. قازاقپارات - جاقسى قاربىزدى ازىق- تۇلىك بازارلارىنان جانە جارمەڭكەلەردەن تابۋعا بولادى. ساتىپ العان كەزدە ولاردىڭ قىرتىسىنا نازار اۋدارىڭىز.

بۇل تۋرالى جەمىستەردى زەرتتەگەن ماماندار ايتتى. ءتاتتى جانە پىسكەن قاربىزدى تاڭداۋ ءۇشىن، ونى ۇرىپ كورۋ كەرەك. پىسكەن قاربىز ساڭىراۋ دىبىس بەرەدى. ءۇنى اقىرىن شىعىپ، دىرىلگە ۇقسايدى. ساراپشىلاردىڭ ايتۋىنشا، ەگەر دىبىس ساڭىراۋ بولسا، وندا قاربىز پىسكەن. ال ەگەر انىق شىقسا، ول ءالى دە ءپىسىپ ۇلگەرمەگەن.

ساراپشىلاردىڭ ايتۋى بويىنشا، جەمىستى وسەتىن جەرگە جاقىن جەردەن ساتىپ الۋ كەرەك. دەگەنمەن اركىم ونداي مۇمكىندىككە يە بولماعاندىقتان، ازىق- تۇلىك بازارلارى مەن جارمەڭكەلەر جاقسى بالاما بولادى. ساراپشىلار سۋپەرماركەتتەردە ارزان ساپالى قاربىزدار ءجيى كەزدەسەتىنىن اتاپ ءوتتى.

قاربىزدى الاردى ونىڭ قىرتىسىنا نازار اۋدارۋ كەرەك. ول جارىلىپ كەتپەگەن بولۋى كەرەك. سونداي- اق جىلتىراماي، قىرتىستانعان ءتۇرىن تاڭداۋ كەرەك. سەبەبى «جىلتىراپ تۇرعان» قاربىز ءالى جەتىلمەگەنىن كورسەتەدى. ساراپشىلاردىڭ ايتۋىنشا، قىرتىسىنىڭ كوپ بولۋى ونىڭ ءدامدىلىنىن بىلدىرەدى. بۇعان قوسا، قاربىزدىڭ سارى داعىنا نازار سالىڭىز. ول سارى بولسا، پىسكەنىن بىلدىرەدى. اق بولسا، ءالى تولىق پىسپەگەن.