قازاقستاندىقتاردىڭ جاڭا كولىكتەرگە سۇرانىسى قانداي

None
None
نۇر-سۇلتان. قازاقپارات - بيىل جارتى جىلدا قازاقستاندا 31 مىڭعا تارتا جاڭا جەڭىل اۆتوكولىك ساتىپ الىندى، ونىڭ ىشىندە 17 مىڭنان استامى ەلىمىزدە قۇراستىرىلعان.

بۇل تۋرالى قازاقپارات EnergyProm عا سىلتەمە جاساپ حابارلايدى.

«2019-جىلدىڭ ماۋسىم ايىندا كوممەرتسيالىق جەڭىل كولىكتەردى قوسا ەسەپتەگەندە قازاقستاندىقتار 6 مىڭنان اساتىن اۆتوموبيل ساتىپ الدى. بۇل كورسەتكىش مامىر ايىنا قاراعاندا 2,7 پايىزعا، ال بىلتىرعى ماۋسىم ايىمەن سالىستىرعاندا 12,5 پايىزعا ارتىق. جالپى، ءبىرىنشى جارتىجىلدىقتا جاڭا جەڭىل كولىكتەردىڭ ساتىلىمى 30,8 مىڭعا جەتىپ، ءوسىم 18,3 پايىزدى قۇرادى»، - دەلىنگەن حابارلامادا.

اتاپ ايتقاندا، ساتىپ الىنعان وتاندىق كولىكتەر ۇلەسى ءبىر جىلدا 47,1 دەن 55,8 پايىزعا دەيىن ءوستى، سونداي-اق يمپورتتىق اۆتوموبيلدەر سايكەسىنشە 52,9 دان 44,2 پايىزعا دەيىن قىسقاردى.

قازاقستاندىق زاۋىتتاردان شىققان جەڭىل كولىكتەردىڭ ساتىلىمى 40,1 پايىزعا ارتتى، ياعني جارتىجىلدىقتا 17,1 مىڭ اۆتوكولىككە دەيىن جەتتى.

وتكىزىلگەن يمپورتتىق ماشينالار 13,6 مىڭدى قۇرادى. بۇدان بۇرىن حابارلانعانداي، بيىلعى ءبىرىنشى جارتىجىلدىقتا قازاقستان ازاماتتارى 282,5 ميلليارد تەڭگەگە 30754 جاڭا جەڭىل كولىك جانە جەڭىل كوممەرتسيالىق اۆتوموبيل ساتىپ الدى.

سوڭعى جاڭالىقتار