قىرىمبەك كوشەربايەۆ اباي شىعارمالارىن وقۋ ەستافەتاسىن جالعاستىردى

None
None
نۇر- سۇلتان. قازاقپارات - پرەزيدەنت اكىمشىلىگىنىڭ باسشىسى قىرىمبەك كوشەربايەۆ اباي شىعارمالارىن وقۋ ەستافەتاسىن جالعاستىردى، دەپ حابارلايدى قازاقپارات مەملەكەت باسشىسى قاسىم- جومارت توقايەۆتىڭ باسپا ءسوز حاتشىسى بەرىك ۋاليگە سىلتەمە جاساپ.

«قازاقستان رەسپۋبليكاسىنىڭ پرەزيدەنتى قاسىم- جومارت توقايەۆ اباي شىعارمالارىن وقۋ ەستافەتاسىن كىشكەنتاي لايلىمنەن قابىلداپ، ءوزى دە جالعاستىرعانىن بىلەسىزدەر. بۇل باستاما قازىر جالپى حالىقتىق سيپات الدى. تاعىلىمدى ەستافەتانى ايگىلى ونەر تارلانى دوسحان جولجاقسىنوۆتان قابىلداپ العان پرەزيدەنت اكىمشىلىگىنىڭ باسشىسى قىرىمبەك كوشەربايەۆ ۇلى اقىننىڭ ماسىلدىق تۋرالى وي- پىكىرلەرىنەن ءۇزىندى وقىپ، قازاق عىلىمىنىڭ مايتالماندارى، اكادەميكتەر تورەگەلدى شارمانوۆ پەن اسقار جۇمادىلدايەۆقا جانە مانەرلەپ سىرعاناۋدان الەم چەمپيوناتىنىڭ كۇمىس جۇلدەگەرى ەليزابەت تۇرسىنبايەۆاعا جولدادى»، - دەدى بەرىك ءۋالي. ەسكە سالساق، ق ر پرەزيدەنتى قاسىم- جومارت توقايەۆ 9 جاستاعى مەكتەپ وقۋشىسىنىڭ ەستافەتاسىن قابىل الىپ، ونى ءبىلىم جانە عىلىم ءمينيسترى اسحات ايماعامبەتوۆكە، مادەنيەت جانە سپورت ءمينيسترى اقتوتى رايىمقۇلوۆاعا جانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولداعان ەدى.

سوڭعى جاڭالىقتار