+7 (701) 759 90 19
-9 °С : نۇر-سۇلتان
-2 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

ەڭ كۇشتى ماگنيتتىك داۋىل بيىل شىلدە ايىندا بايقالادى

17 شىلدە 10:58
:ءبولىسۋ
ەڭ كۇشتى ماگنيتتىك داۋىل بيىل شىلدە ايىندا بايقالادى

الماتى. قازاقپارات - سوڭعى ون جىلداعى ەڭ كۇشتى ماگنيتتىك داۋىل بيىل شىلدە ايىندا بايقالادى.

بۇل تابيعي قۇبىلىس ادامداردىڭ دەنساۋلىعىنا اسەر ەتۋى مۇمكىن. وسىعان بايلانىستى، دارىگەرلەر تۇرعىندارعا بارىنشا ساق بولۋدى ەسكەرتتى، دەپ حابارلايدى قازاقپارات ءتىلشىسى.

ماگنيتتىك داۋىل كەزىندە ادام السىرەيدى. اسىرەسە، قارت كىسىلەردىڭ دەنساۋلىعى سىر بەرەدى. اياعى اۋىر كەلىنشەكتەر مەن بالالار ءۇشىن دە قاۋپتى.

ماگنيتتىك داۋىل قۇبىلىسى كەزىندە كۇن قاتتى ىسيدى. بۇل كەزدە ادامداردىڭ باسى اينالىپ، جۇرەگى اينىپ، تاماققا تابەتى بولماي، ۇيقىسى كەلەدى.

«ماگنيتتىك داۋىل ەڭ الدىمەن ادامنىڭ ورتالىق جۇيكە جۇيەسىنە جانە جۇرەك-قان تامىرلارىنا سالماق تۇسىرەدى. ينفاركت، ينسۋلت، گيپەرتونيالىق كۇرت اسقىنۋ جانە ت. ب. اۋرۋلاردى قوزدىرادى. بۇل كۇندەر سوزىلمالى جۇرەك-قان تامىرلار اۋرۋلارى مەن وكپە پاتولوگياسى بار ادامدار ءۇشىن قيىندىق تۋعىزادى. ءتىپتى، مەتەو جاعدايدا تاۋەلدى ەمەس ادامداردىڭ دا جۇرەگى اينىپ، قالتىرايدى»، - دەيدى الماتى قالالىق 7№ كلينيكالىق اۋرۋحاناسىنىڭ دارىگەرى ايدانا لەپەسوۆا.

سونداي-اق، ماگنيتتىك داۋىل ادامداردىڭ كوڭىل-كۇيىنە دە اسەر ەتەدى. ەشتەڭەگە زاۋقى بولماي، سەلقوستىق پەن ۇيقىشىلدىق تۋدىرادى.

«سوزىلمالى اۋرۋلارعا شالدىققان ادامدار قاجەتتى دارىلەرىن الدىن الا الىپ قويعانى ابزال. ءتىپتى، دەنساۋلىعى جاقسى ادامداردىڭ ءوزى سۋ ءىشۋ رەجيمىن ساقتاۋ قاجەت. كوفە مەن سۋسىنداردى ءشوپ شاي نەمەسە تازا سۋعا اۋىستىرعانى ءجون. سپيرتتىك ىشىمدىكتەن باس تارتقان دۇرىس»، - دەيدى دارىگەر.

ماگنيتتىك داۋىل كۇندەرى جۇرەك-قان تامىرلار جۇيەسىنە سالماق تۇسىرمەۋ ءۇشىن تاماقتى ازىراق جەگەن دۇرىس. مايلى، تۇزدى، اشى تاعامداردى پايدالانۋدى ازايتقان ءجون.

«ماگنيتتىك داۋىل كەزىندە كوبىرەك ۇيىقتاعان دۇرىس. ال، مەتەوسوققى كۇنى اشۋلانباۋعا تىرىسىپ، بارلىق شارۋانى كۇننىڭ ءبىرىنشى جارتىسىندا اتقارىپ تاستاعان ابزال. كارديوسالماق تۇسىرۋدەن باس تارتۋ كەرەك»، - دەپ كەڭەس بەردى ايدانا لەپەسوۆا.

دەنساۋلىققا سالماق سالماۋ ءۇشىن تازا اۋادا ءجيى سەرۋەندەپ، جەڭىل تاعامدارمەن تاماقتانۋ كەرەك. ماگنيتتىك داۋىل كۇنىڭ قاتتى ىسۋىنان پايدا بولىپ، عارىش ارقىلى جەرگە تۇسەدى.

كەلەسى ماگنيتتىك داۋىل شىلدەنىڭ 29- كۇنى بولۋى مۇمكىن. الايدا، عالىمدار جەردە ماگنيتتىك داۋىل اي سايىن وتەتىندىگىن ايتادى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات