+7 (701) 759 90 19 Лента
12 °С : نۇر-سۇلتان
23 °С : الماتى
USD 386.05 EUR 428.25
RUB 5.84 CNY 54.65
جاڭالىقتار

وزگە ەلدىڭ نومىرىمەن جۇرگەن كولىكتەر قالاي تىركەلەدى؟

17 شىلدە 10:16 47
:ءبولىسۋ
وزگە ەلدىڭ نومىرىمەن جۇرگەن كولىكتەر قالاي تىركەلەدى؟

نۇر-سۇلتان. قازاقپارات – ىشكى ىستەر مينيسترلىگىنىڭ اكىمشىلىك پوليتسيا كوميتەتى شەتەلدىك نومىرلەرمەن جۇرگەن كولىكتەردى ونلاين تىركەۋدىڭ ءتارتىبىن ءتۇسىندىرىپ بەردى دەپ حابارلايدى Sputnik قازاقستان.

كوميتەت ءتوراعاسىنىڭ ورىنباسارى الىبەك كەڭىسبايەۆ باسپا ءسوز ماسليحاتىندا قازىرگى ۋاقىتتا ەلىمىزدە رەسەي، ارمەنيا جانە قىرعىزستاننىڭ تىركەۋ نومىرلەرىمەن جۇرگەن كولىكتەردىڭ كوپ ەكەنىن جاسىرمادى.

ءتىپتى ونداي كولىكتەردىڭ ناقتى سانى دا بەلگىسىز ەكەن.

«وكىنىشكە قاراي، ءبىز ول كولىكتەردىڭ يەسىن جانە كىم قولدانىپ جۇرگەنىن بىلمەيمىز. تىركەۋ جۇيەلەرى جول ءجۇرۋ ەرەجەسىن بۇزۋ فاكتىسىن تىركەسە دە، كولىك يەسىن انىقتاي المايدى. سەبەبى كامەراعا وزگە ەلدىڭ ءنومىرى تۇسەدى. اكىمشىلىك حاتتامانى دا تولتىرا المايمىز»، - دەدى كەڭىسبايەۆ.

ءتوراعانىڭ ورىنباسارى وتكەن جىلى وسى ساناتتاعى كولىكتەردىڭ يەسى 40 مىڭنان اسا جول ەرەجەسىن بۇزسا، اعىمداعى جىلى التى ايدىڭ ىشىندە اتالعان كورسەتكىش 42 مىڭنان اسقانىن جەتكىزدى.

وسىعان بايلانىستى شەتەلدىك نومىرلەرمەن جۇرگەن كولىكتەردى ۋاقىتشا تىركەۋدى ونلاين رەجيمدە ەنگىزۋ باستاماسى كوتەرىلىپ وتىر ەكەن. كەڭىسبايەۆتىڭ سوزىنشە، اتالعان شارا تەگىن جۇرگىزىلەدى.

«ەشقانداي قۇجات الۋدىڭ قاجەتى جوق. ءبىز كولىكتەردىڭ تىركەلگەنىن ءوزىمىزدىڭ اقپاراتتىق بازامىزدا كورەتىن بولامىز. اتالعان دەرەكتەر ءاربىر پوليتسەيدىڭ پلانشەتىنە شىعارىلادى. وسىلايشا، وزگە ەلدىڭ نومىرىمەن جۇرگەن كولىكتەر تىركەۋگە الىنادى. سونىڭ ارقاسىندا جول قاۋىپسىزدىگىن عانا ەمەس، سان الۋان قىلمىستاردى دا انىقتاۋعا مۇمكىندىك بولادى»، - دەيدى الىبەك كەڭىسبايەۆ.

وسى باستامانىڭ اياسىندا كەدەن قىزمەتى مەن ىشكى ىستەر ورگاندارىنىڭ اقپاراتتىق بازالارىن ينتەگراتسيالاۋ جوسپارلانىپ وتىر. وسىلايشا، پوليتسەيلەر قازاقستانعا كىرگەن كولىكتەردى كورىپ وتىرماق.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات