بريتاندىق دارىگەرلەر سيام ەگىزدەرىن اجىراتتى
The Guardian گازەتىنىڭ جازۋىنشا، 50 ساعاتقا سوزىلعان كۇردەلى ءارى كوپ ساتىلى وتا لوندوننىڭ الدىڭعى قاتارلى بالالار اۋرۋحانالارىنىڭ بىرىندە جاسالعان.
بۇعان ءارتۇرلى سالالاردىڭ 100-دەن استام مامانى قاتىستى. ولاردىڭ قاتارىندا كاسىبي دارىگەرلەر مەن بيوينجەنەرلەر بار. حايبەر- پاحتۋنحۆا پروۆينتسياسىنىڭ چارساددا قالاسىنان كەلگەن ەكى جاسار سافا مەن مارۆا باس سۇيەكتەرى قوسىلىپ تۋعان، قان تاراتۋ جولدارى دا ورتاق. باسىلىمدا حابارلانعانداي، ەگىزدەردى اجىراتۋ تۋرالى باعدارلاما وتكەن جىلدىڭ سوڭىندا باستالىپ، بىرنەشە كەزەڭمەن وتكىزىلگەن. العاشقى وتا 2018 -جىلدىڭ قازان ايىندا جاسالدى. ول كەزدە قىزدار نەبارى 19 ايلىق بولعان. ەكىنشى وتا ەكى ايدان كەيىن وتكىزىلگەن. الايدا اپالى- ءسىڭلىلى تەك اقپان ايىندا وتكىزىلگەن جەتى ساعاتتىق وتادان كەيىن عانا تولىقتاي ەكىگە اجىراعان.