مىسىرداعى «ءال- ازھار» ۋنيۆەرسيتەتىندە اباي ورتالىعى مەن قازاق ءتىلى ماماندىعى اشىلماق
مينيسترلىكتىڭ مالىمەتىنشە، قازاقستاننىڭ مىسىرداعى ەلشىسى ارمان يساعاليەۆ الەمدەگى ەڭ كونە وقۋ ورىندارىنىڭ ءبىرى جانە يسلام ءبىلىمىنىڭ ورداسى بولىپ تابىلاتىن «ءال- ازھار» ۋنيۆەرسيتەتىنىڭ رەكتورى مۇحاممەد ءال- ماحراساۋيمەن كەزدەسكەن.
كەزدەسۋگە سونداي- اق الماتىداعى «نۇر- مۇباراك» قازاقستان- مىسىر يسلام مادەنيەتى ۋنيۆەرسيتەتىنىڭ رەكتورى مۇحاممەد ءال- شاححات ءال- دجيندي قاتىستى. سۇحبات بارىسىندا ەلشى ا. يساعاليەۆ مىسىرلىق ءبىلىم ورداسىنىڭ باسشىسىن قازاقستانداعى سوڭعى ساياسي ۇدەرىستەرمەن، ق ر پرەزيدەنتى قاسىم- جومارت توقايەۆ جاريالاعان ەلىمىزدىڭ الەۋمەتتىك- ەكونوميكالىق دامۋىنىڭ نەگىزگى باعىتتارىمەن، سونداي- اق جۇرگىزىلىپ جاتقان ءبىلىم مەن عىلىم سالاسىنداعى رەفورمالارمەن تانىستىردى. تاراپتار «ءال- ازھار» ۋنيۆەرسيتەتى مەن ەلىمىزدىڭ جوعارى وقۋ ورىندارى اراسىنداعى بايلانىستاردى، سونىڭ ىشىندە «نۇر- مۇباراك» قازاقستان- مىسىر يسلام مادەنيەتى ۋنيۆەرسيتەتىمەن اكادەميالىق ىنتىماقتاستىقتى دامىتۋ ماسەلەلەرىن تالقىلادى.
بۇگىنگى تاڭدا «ءال- ازھار» «نۇر- مۇباراك» ۋنيۆەرسيتەتىن وقىتۋشىلارمەن قامتاماسىز ەتەتىن مىسىرلىق تاراپتاردىڭ ءبىرى. سونىمەن قاتار، يسلام ءبىلىم ورداسى قازاقستان مۇسىلماندارى ءدىني باسقارماسىمەن تىعىز ىنتىماقتاستىق ورناتىپ، ەلىمىزدىڭ يمامدارىن ەكسترەميستىك يدەولوگياعا قارسى كۇرەس سالاسىندا قايتا دايارلاپ شىعارۋعا ۇلكەن كومەك كورسەتۋدە.
سونىمەن قاتار، كەزدەسۋ بارىسىندا 2020 -جىلى ق ر پرەزيدەنتى ق. توقايەۆتىڭ باستاماسىمەن قازاق حالقىنىڭ كەمەڭگەر اقىنى جانە ۇلى ويشىلى اباي قۇنانباي ۇلىنىڭ 175 جىلدىعىن مەرەكەلەۋ اياسىندا، «ءال- ازھار» ۋنيۆەرسيتەتىندە اباي ورتالىعىن اشۋ جانە تىلدەر جانە اۋدارما فاكۋلتەتىندە قازاق ءتىلى ماماندىعىن ەنگىزۋ ۇسىنىلدى. رەكتور م. ءال- ماحراساۋي اتالمىش باستامانى جىلى قابىلداپ، ءوز تاراپىنان ءتيىستى قولداۋ كورسەتەتىنىن جەتكىزدى. بۇل باعىتتاعى جۇمىس اباي اتىنداعى قازاق ۇلتتىق پەداگوگيكالىق ۋنيۆەرسيتەتىمەن بىرلەسە وتىرىپ جۇرگىزىلەدى.