+7 (701) 759 90 19 Лента
20 °С : نۇر-سۇلتان
22 °С : الماتى
USD 386.34 EUR 427.25
RUB 5.88 CNY 54.57
جاڭالىقتار

رايىمبەك باتىردىڭ سوڭعى سوعىسى بولعان جەرگە ەسكەرتكىش تاقتا ورناتىلدى

17 شىلدە 00:05 40
:ءبولىسۋ
رايىمبەك باتىردىڭ سوڭعى سوعىسى بولعان جەرگە ەسكەرتكىش تاقتا ورناتىلدى

جاركەنت. قازاقپارات - ۇلى جىبەك جولىنىڭ بويىنداعى تاريحى تەرەڭ تۇرگەنكەنت ورنىندا ەسكەرتكىش تاقتا ورناتىلدى، دەپ حابارلايدى قازاقپارات ءتىلشىسى.

الماتى وبلىسىنىڭ پانفيلوۆ اۋدانى ورتالىعى - جاركەنت قالاسى مەن وسى وڭىردەگى ەڭ ءىرى ەلدى مەكەن - كوكتال اۋىلىن جالعايتىن كۇرە جولدىڭ بويىنداعى تۇرگەنكەنت تاريحي ورنى بار. كەنتتىڭ ورنى، اينالا قورشاعان دۋالى، قورعان تۇبىنەن دۇشپان شابۋىلىنا قارسى قازىلعان سۋ تولتىراتىن وردىڭ سىلەمى قازىردىڭ وزىندە ايقىن كورىنىپ جاتىر.

سوناۋ 1856 -جىلى قاشقارياعا جاساعان ايگىلى ساپارى كەزىندە زەرتتەۋشى جيھانكەزى شوقان ءۋاليحانوۆ ءوز قولىمەن سىزعان جاركەنت ءوڭىرى كارتاسىندا بۇل كەنتتىڭ ورنى ناقتى كورسەتىلىپ، اتاۋى دا انىق جازىلعان.

بۇل جەردە تالاي-تالاي وقيعالار ورىن العانى تاريحتان بەلگىلى. سونىڭ ءبىرى - «اقتابان شۇبىرىندى» زوبالاڭىنىڭ اقىرعى شايقاسى.

XVIII عاسىردىڭ ەكىنشى جارتىسىندا رايىمبەك باتىردىڭ قولى قالماقتاردى وسى ارادان قىتايمەن شەكاراداعى قازىرگى قورعاس وزەنىنەن اسىرا قۋىپ تاستايدى. بۇل شايقاسقا سۋاننىڭ اتاقتى ارالباي، ساتاي، بولەك باتىرلارى دا قاتىسىپ، تۋعان جەر، تۋعان ەلىن باسقىنشىلاردان ازات ەتۋگە اتسالىسقان.

رايىمبەك باتىر وسى ۇرىستا ۋلى جەبەدەن جارالانعان دەگەن دەرەكتەر بار.

بۇل تۋرالى جازۋشى جەرلەسىمىز، مەملەكەتتىك سىيلىقتىڭ لاۋرەاتى بەكسۇلتان نۇرجەكە ۇلىنىڭ زەرتتەۋ ماقالالارىندا جازدى. كۇرە جولدىڭ بويىنا ورناتىلعان كورنەكتى تاقتاعا وسىناۋ تاريحي جاعداي جونىندە ايشىقتى ەتىپ جازىلعان. ەسكەرتكىش تاقتانى اۋدانداعى «مەيىرىم» مەكەمەسىنىڭ باسشىسى امانتاي رايەۆ باستاماشى بولىپ ورناتقان.


باستى سوزدەر: مادةنيةت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات