موتوسيكلدى پايدالانۋعا تىيىم سالىندى

None
None
ۇر-سۇلتان. قازاقپارات - موتوسيكلدى پايدالانۋعا نەمەسە ونىڭ قوزعالىسىنا تىيىم سالىندى.

ن

ەفيوپيا استاناسى - ادديس-ابەب قالاسىندا موتوسيكل قوزعالىسىنا قاتاڭ تىيىم سالىندى. ءبىر عانا سەبەپتەن - قىلمىستىڭ الدىن الۋ ءۇشىن. بۇل جايىندا BBC Africa اقپارات اگەنتتىگى حابار تاراتتى. ەفيوپيا استاناسىنىڭ باسشىسى تاكەلە ۋما وتكەن ايدا موتوسيكل ايداعانداردىڭ اراسىندا قىلمىس جاساعاندار قاراسى كوپ ەكەنىن مالىمدەگەن بولاتىن.

مۇنداي كولىكپەن قاشىپ قۇتىلۋ، ءىز جاسىرۋ، بوي تاسالاۋ وڭاي ەكەنىن تىلگە تيەك ەتكەن بولاتىن. دەسە دە موتوسيكلمەن بيزنەس جۇرگىزەتىندەر ءۇشىن اتالمىش قالا باسشىلىعىنىڭ بۇل شەشىمى قولايسىزدىق تۋدىرۋدا.

تاپسىرىسپەن تاۋاردى جەتكىزۋمەن اينالىساتىندار اتالعان شەشىمنەن زارداپ شەگە باستاعان. ماسەلەن، تاعام جەتكىزۋمەن اينالىساتىن «ZMail» كومپانياسى ءوز قىزمەتىن توقتاتۋعا ءماجبۇر بولىپ وتىر. اتالعان شەشىمگە بايلانىستى.

ال «Deliver Addis» كومپانياسى ەل بيلىگىنىڭ موتوسيكلدەردى تاركىلەي باستاعانىن Facebook الەۋمەتتىك جەلىسىندە جاريا ەتتى. موتوسيكل ۋاقىتتان ۇتۋعا، كەپتەلىستە تۇرىپ قالماۋعا كومەكتەسەتىن كولىك رەتىندە سوڭعى ۋاقىتتا افريكا ەلدەرىندە كەڭىنەن قولدانىلا باستاعان بولاتىن.

islam.kz

سوڭعى جاڭالىقتار