قازاقستان پرەزيدەنتى مەملەكەتتىك باسقارۋدى دامىتۋدىڭ تۇجىرىمداماسىن ازىرلەۋدى ۇسىندى

نۇر- سۇلتان. قازاقپارات - قازاقستان رەسپۋبليكاسىنىڭ پرەزيدەنتى قاسىم- جومارت توقايەۆ مەملەكەتتىك قىزمەت ىستەرى اگەنتتىگىنىڭ ءتوراعاسى انار جايىلعانوۆانى قابىلدادى، دەپ حابارلايدى قازاقپارات اقورداعا سىلتەمە جاساپ.

كەزدەسۋ بارىسىندا مەملەكەت باسشىسىنا اگەنتتىكتىڭ قازىرگى جۇمىستارى مەن الداعى جوسپارلارى تۋرالى مالىمەت بەرىلدى. انار جايىلعانوۆا «پرەزيدەنتتىڭ كادرلىق رەزەرۆىن» قۇرۋ جانە كورسەتىلەتىن مەملەكەتتىك قىزمەتتەردى ەلەكتروندى فورماتقا ودان ءارى كوشىرۋ ءۇشىن قابىلدانىپ جاتقان شارالار جونىندە باياندادى. قاسىم- جومارت توقايەۆ كورسەتىلەتىن مەملەكەتتىك قىزمەتتەردىڭ تيىمدىلىگىن ارتتىرۋعا جانە مەملەكەتتىك باسقارۋشىلارعا قويىلاتىن تالاپتى كۇشەيتۋگە ءتيىستى مەملەكەتتىك باسقارۋدى دامىتۋدىڭ تۇجىرىمداماسىن ازىرلەۋ قاجەتتىگىن ايتتى.