+7 (701) 759 90 19 Лента
15 °С : نۇر-سۇلتان
21 °С : الماتى
USD 386.91 EUR 428.81
RUB 5.79 CNY 54.79
جاڭالىقتار

ديماشتىڭ «ەسىنەن اداسقان» يسپانيالىق فاندارى

16 شىلدە 18:34 79
:ءبولىسۋ
ديماشتىڭ «ەسىنەن اداسقان» يسپانيالىق فاندارى

ۇر-سۇلتان. قازاقپارات - 29 -ماۋسىم كۇنى ەلوردادا ديماش قۇدايبەرگەننىڭ «ارناۋ» اتتى جەكە كونسەرتى ءوتتى.


ءان كەشىنە الەمنىڭ تۇكپىر-تۇكپىرىندەگى 64 مەملەكەتتەن 12 مىڭعا جۋىق تىڭدارمان كەلدى. سايت ءتىلشىسى ديماشتىڭ يسپانيادان كەلگەن تىڭدارماندارىمەن اڭگىمەلەسىپ قايتتى. ولاردىڭ ءبىرى ديماشتى كورۋ ءۇشىن اۋرۋحانادان «قاشىپ» شىقسا، تاعى بىرەۋى جولداسىنان «ەسىڭنەن اداسقانسىڭ» دەگەن ءسوز ەستىگەن.




«نۇر-سۇلتان قالاسى دۋبايعا ۇقسايدى»

- قازاقستانعا كەلگەندەرىڭىزگە نەشە كۇن بولدى؟

Geli: قازاقستانعا كەلگەنىمىزگە ءبىر اپتا بولىپ قالدى. مەن ەلدەن ءبىرىنشى رەت الىستاپ، ساياحات جاساپ وتىرمىن. الماتى مەن نۇر-سۇلتان قالاسىنىڭ ارالىعى الىس جانە ەكى قالانىڭ اۋا تەمپەراتۋراسى دا ەكى ءتۇرلى ەكەن. الماتىدا كۇن وتە ىستىق بولسا، نۇر-سۇلتان قالاسىندا سالقىنداۋ جانە ءجيى جەل سوعادى ەكەن. قازاق حالقىنىڭ قوناقجايلىلىعى ۇنادى. قاي قالاعا بارساق تا تازالىققا كۋا بولدىق. الماتىنىڭ تاۋلارى، تابيعاتى ۇنادى، ال نۇر-سۇلتان قالاسى ءارتۇرلى عيماراتتارىمەن ەرەكشەلەنەدى. بۇل قالانى دۋبايعا ۇقساتتىق. ەندى تۋىس، دوستارىمىزعا بۇل مەملەكەتكە ساياحاتتاپ كەلۋ تۋرالى ۇسىنىس ايتا جۇرەمىز.

- ءبىزدىڭ ەلگە كەلۋلەرىڭىزگە سەبەپشى بولعان ديماش قۇدايبەرگەننىڭ اندەرىن العاش قاشان تىڭدادىڭىز؟

Geli :2017 -جىلدىڭ قاراشا ايىندا ديماشتىڭ ءانىن العاش رەت تىڭدادىم. ونى لوندوندا وتكەن كونسەرتىندە كورىپ، تىلدەسۋدىڭ ءساتى ءتۇستى. يسپانياداعى قازاقستان ەلشىلىگىندە ىستەيتىن ماماننىڭ تۋعان اپكەسى ديماشتىڭ ءمۇعالىمى بولعان ەكەن. ديماشقا قاتىستى وسىنداي كەز كەلگەن جاڭالىقتان حاباردار بولۋعا تىرىسامىز.

«اياقتان تىك تۇرىپ كورۋگە تۇرارلىق كونسەرت بولدى»

- ديماشتىڭ جەكە كونسەرتى قالاي ءوتتى؟ قانداي اسەر الدىڭىزدار؟

Geli: ديماشتىڭ كونسەرتىن وتىرىپ كورگەندەر دە، فان-زونادا تۇرىپ كورگەندەر دە بولدى. مەن تۇرىپ كورگەندەردىڭ قاتارىندا بولدىم. 53 جاستاعى ادامعا 5-6 ساعات اياقتان تىك تۇرىپ كورۋ وڭاي ەمەس، ءبىراق سولاي تۇرىپ كورۋگە لايىقتى كونسەرت بولدى.

- سىزدەر ءارتۇرلى سالا مامانىسىزدار ما؟

Geli: ءيا، ءبىز ءار سالادا جۇمىس ىستەيمىز جانە ءارتۇرلى جاستامىز. مەن ۇيدە وتىرعانىما 20 جىل بولدى، جاسىم – 53 تە. Héctor - باعبان، ول 44 جاستا. Nani - ەدەن جۋۋشى، ول 71 جاستا بولسا، Luisa - ادمينيستراتور، ول 57 جاستا. ءبىزدى بىرىكتىرەتىن - ديماشتىڭ اندەرى.









«ديماشتى تىڭداعان كۇننىڭ ەرتەڭىندە قازاقستانعا ۇشىپ كەتتى»

- ديماشتىڭ كونسەرتىنە كەلۋدى قاشاننان بەرى جوسپارلاي باستادىڭىزدار؟

Geli: يسپانيانىڭ تاعى ءبىر تۇرعىنى ديماشتىڭ اندەرىن عالامتوردان تىڭداپ كورگەن كۇننىڭ ەرتەڭىندە-اق قازاقستانعا ۇشىپ كەتتى. ول وسىندا ءبىر اي بۇرىن كەلىپ، قازاقستاننىڭ بارلىق قالاسىن ارالاپ شىقتى. ءبىز ديماشتىڭ جەكە كونسەرتى نۇر-سۇلتاندا وتەتىنىن ەستي سالا وسى جاققا كەلۋ تۋرالى شەشىم قابىلدادىق. بۇل كونسەرتكە كوبىرەك ادام كەلۋى كەرەك بولاتىن، ءبىراق ەڭبەك دەمالىسىن الاتىن ۋاقىتتارى سايكەس كەلمەي، ءبىرازى كەلە الماي قالدى.

- قازاقستانعا العاش رەت كەلىپ وتىرعان بولارسىزدار؟

Geli: باستاپقىدا ديماشتى فرانسۋز تىلىندە ءان ايتاتىن قىتاي ۇلتىنىڭ وكىلى دەپ ويلادىم. زەرتتەي كەلە ول قازاقستان ازاماتى ەكەنىن ءبىلدىم. بۇرىن قازاقستان دۇنيەجۇزىلىك كارتادا بار مەملەكەتتەردىڭ ءبىرى رەتىندە عانا بىلەتىنبىز. ال قانداي مەملەكەت ەكەنىن، ول جاقتا قانداي حالىق تۇراتىنىن ديماشتىڭ ونەرىمەن تانىسقاننان كەيىن عانا بىلە باستادىق. بۇل ەلگە ديماشتىڭ كونسەرتىن عانا كورۋ ءۇشىن ەمەس، ونىڭ تۋعان ەلى قانداي ەكەنىن، سالت-ءداستۇر، مادەنيەتىمەن تانىسۋ ماقساتىندا كەلدىك. كونسەرت بىتكەننەن كەيىن الماتى قالاسىندا بىرنەشە كۇن بولىپ، نۇر-سۇلتانعا قايتا ۇشىپ كەلدىك. بۇگىن، مىنە، بۋرابايدىڭ تابيعاتىن تاماشالاپ ءجۇرمىز. بۇل جاقتا انا ءتىلىن بىلمەيتىن قازاقتار بار ەكەن، بۇل وتە وكىنىشتى جاعداي. ديماش ارقىلى قازاق اندەرىن جاتتاپ الدىق.

«تۋعان ۇلىم ءۇشىن مۇنداي تاۋەكەلگە بارماس ەدىم»

- ماقساتتارىڭىز ورىندالدى ما؟ ەلىمىزدەن قانداي ەرەكشەلىك، قانداي ايىرماشىلىق بايقادىڭىزدار؟

Geli: بۇل جاقتا كەز كەلگەن تاعامعا ەت كوپ قوسادى ەكەن. ءبىز جاقتا جىلقى ەتىن جەمەيدى، سەبەبى جىلقى - ادامنىڭ دوسى سانالادى. ءبىراق وسى جاققا كەلگەندە ديماشتىڭ قۇرمەتىنە جىلقى ەتىنىڭ ءدامىن تاتىپ كوردىم. شىنىن ايتقاندا، ءوزىمنىڭ تۋعان ۇلىم ءۇشىن وسىنداي تاۋەكەلگە بارماس ەدىم. سونداي-اق، ديماش اپاسى مەن اتاسىنىڭ قولىندا وسكەن بالا ەكەنىن بىلەمىز. ءبىز جاقتا ونداي سالت-ءداستۇر جوق.

قازىرگى ۋاقىتتا ءبىز جاقتا جاستاردىڭ اياعىنان نىق تۇرىپ كەتۋى ءۇشىن نەمەرەسىنە ناعاشى اپاسى ۋاقىتشا قاراپ بەرەتىن ءۇردىس قالىپتاسىپ كەلەدى. بۇل - جاقسى ءۇردىس دەپ ويلايمىن. ءبىز ديماشتىڭ ونەرىنە باس يەمىز، ال جەكە ومىرىنە تەرەڭ ۇڭىلمەيمىز، دەگەنمەن ول جاقسى ءانشى عانا ەمەس، جاقسى ادام. ول ىشىمدىك ءىشۋ، تەمەكى شەگۋ سياقتى جامان ادەتتەردەن ادا. ونىڭ سىمباتتى جىگىت، جانى تازا ادام ەكەنى، تىڭدارماندارىمەن قارىم- قاتىناسى ەرەكشە ەكەنى ءسوزسىز. ديماش - بارىمىزگە ورتاق قىمبات قازىنا.

- ديماشتىڭ قاي ءانىن ەرەكشە جاقسى كورىپ تىڭدايسىز؟

Geli: ديماشتىڭ بارلىق ءانى ۇنايدى. حالىق ءانى - دايديداۋدى ەرەكشە اتاپ وتەر ەدىك. فرانسيادان كەلگەن تىڭدارمان قىز ديماش ءاندى فرانسۋز تىلىندە اكسەنتسىز ايتادى دەۋگە بولاتىنىن، ال يتاليانشا تىپتەن اكسەنتسىز ايتاتىنى تۋرالى ايتتى.

- وسى جاقتا ديماشپەن كەزدەسۋدىڭ ءساتى ءتۇستى مە؟

Geli: ديماشپەن جۇزبە-ءجۇز كورىسۋدىڭ ءساتى تۇسپەدى. ونىڭ فاناتتارىمەن كەزدەسۋ ۇيىمداستىرىلعان كەزدە ءبىز قالادا ەكسكۋرسيادا جۇردىك. ديماشتىڭ يسپانياعا كەلگەن كەزى بولعان، ءبىراق الدىن الا ەشكىمگە حابارلاپ، جاريالاپ ايتپاعان ەدى. ءبىز ونىڭ كەلەتىنىن الدىن الا ءبىلىپ الساق تا، ونىمەن كەزدەسۋگە ۇمتىلىپ، مازاسىن المادىق. «كەلەتىنى تۋرالى الدىن الا جاريالاماعان بولسا، دەمەك بىزبەن كەزدەسەتىن ۋاقىتى جوق شىعار» دەپ، ونىڭ شەشىمىنە قۇرمەتپەن قارادىق. يسپانيادا حالىقتىڭ تىلەگى، ءوتىنىشى جازىلاتىن ارنايى سايت بار. سول سايتقا ديماشتى قوناققا شاقىرۋ تۋرالى ءوتىنىپ، ونىمەن ءبارىبىر كەزدەسۋ ۇيىمداستىرامىز دەپ ويلايمىز. وتاندىق راديوارنالاردىڭ بىرىنە ءجيى حابارلاسىپ، ديماشتىڭ اندەرىن قويۋدى سۇراپ، اقىرى 11 مينۋتتىق باعدارلاما جاساۋىنا قول جەتكىزدىك.





«ەكى ۇلىم بار: ءبىرى - تۋعان ۇلىم، ەكىنشىسى - ديماش»

- ديماشتىڭ كونسەرتىنە كەلەتىندەرىڭىز تۋرالى ايتقان كەزدە تۋىس، دوستارىڭىز قولداۋ ءبىلدىردى مە؟

Geli: مەنىڭ 27 جاستاعى ۇلىم بار. ول دا ديماشتىڭ اندەرىن جاقسى كورەدى. بۇرىن مەن سۇراعان ادامعا جالعىز ۇلىم بار ەكەنىن ايتسام، قازىرگى ۋاقىتتا ەكى ۇلىم بار ەكەنىن ايتامىن، ونىڭ ءبىرى - تۋعان ۇلىم بولسا، ەكىنشىسى - ديماش بالام. ديماشتىڭ كونسەرتىنە كەلەتىنىمىز تۋرالى ايتقان كەزدە تۋىس، جاقىندارىمىز ءارتۇرلى قابىلدادى. كۇيەۋلەرىمىز «ەستەرىڭنەن اداستىڭدار ما؟!» دەسە، «ءبىر كونسەرت ءۇشىن سونشالىقتى ۇزاق جول جۇرەسىڭدەر مە؟» دەگەندەرى دە بولدى. 72 جاستاعى Nani قازاقستانعا كەلەر كەزدە اۋرۋحانادا جاتقان. ول اۋرۋحانادان سۇرانىپ شىعۋ ءۇشىن 7 دارىگەرگە ديماشتىڭ اندەرىن تىڭداتىپ، نە ءۇشىن اۋرۋحانادان شىعۋعا قۇشتار بولىپ تۇرعانىن تۇسىندىرگەن. دارىگەرلەر «بۇل كەرەمەت ءانشىنىڭ كونسەرتىن كورۋ ءۇشىن ءسىزدى اۋرۋحانادان شىعارۋىمىزعا بولادى» دەگەن ەكەن.

- ديماش تۋرالى تاعى قانداي قىزىقتى اقپارات بىلەسىزدەر؟

Geli: باستاپقىدا ديماش ءوز ەلىندە داۋىسى كەرەمەت ءانشى رەتىندە مويىندالماعانىن بىلەمىز، ءبىراق بۇل قالىپتى جاعداي. ادەتتە وزگە مەملەكەتتە ونەرىن مويىنداتقاننان كەيىن بارىپ ءوزىمىز دە مويىنداي باستايمىز. قازاقستاندا وسى كۇنگە دەيىن ديماشتاي ءانشى بار ەكەنىن بىلمەيتىندەردى دە كوردىك جانە تاڭ قالىپ، كوڭىلىمىز ءتۇسىپ قالدى. جەكە ءوز باسىم ديماشتىڭ ەسىمىن، ونىڭ اندەرىن يسپانياداعى ءار تاس بىلەتىندەي ەتۋ ءۇشىن بار كۇش- جىگەرىمدى سالامىن، ويتكەنى ول الەمدىك دەڭگەيدە تانىمال مايكل دجەكسون سياقتى انشىلەردەن ارتىق بولماسا - كەم ەمەس!

«ديماش - الەمنىڭ ەلشىسى»





- «ەلىمىزدەگى ءار تاس ءبىلۋى كەرەك» دەيتىندەي، ديماش سىزدەر ءۇشىن نەسىمەن ەرەكشە؟

Geli: ونىڭ ءان ايتۋ ستيلى كۇردەلى جانە ءاندى جەتكىزۋ جولى ەرەكشە. كاسىبي تۇرعىدا وتە مىقتى ءانشى. ونىڭ داۋىسى - دەرتكە داۋا. گەرمانيادا ۇيدەن شىعۋعا قورقاتىن قىز بولعان. ۇيدەن شىققان كەزدە ونىڭ بويىن ۇرەي بيلەپ، جانى جاي تاپپايتىن. ول ديماشتىڭ ءانىن تىڭداعالى بويىنداعى قورقىنىشتى جەڭىپ، ديماشتىڭ كونسەرتىنە باردى. ديماش ءان ايتقاندا كوزىڭە جاس كەلەدى، بۇل جايدان-جاي بولاتىن قۇبىلىس ەمەس. ونىڭ باسقا ەمەس، ءدال وسى زاماندا دۇنيەگە كەلگەنى قانداي جاقسى. ونى «الەمنىڭ ەلشىسى» دەپ اتاۋعا بولادى، سەبەبى ونىڭ اندەرىن تىڭداعان ادام جامان ويدان ارىلىپ، بويىن تەك ماحاببات، جاقسى سەزىمدەر بيلەيدى. سوعىسقۇمار ادامدارعا ديماشتىڭ اندەرىن تىڭداتىپ، بەيبىت ومىرگە شاقىرۋعا بولادى. ونىڭ اندەرىن ءتۇسىنۋ ءۇشىن ءتىل ءبىلۋدىڭ دە قاجەتى جوق، جۇرەكپەن سەزىنسەڭ بولعانى.

- الداعى ۋاقىتتا العا قانداي ماقسات قويىپ وتىرسىزدار؟

Geli: ەندىگى ماقسات - وسى جاققا باسقا دا تۋىس، دوستارىمىزبەن بىرگە كەلۋ. مادريدتە ءبىزدىڭ كوورديناتور تۇرادى. ول ديماشقا قاتىستى جاڭالىقتارمەن ءبولىسىپ، ونىڭ كونسەرتىنە باراتىنداردىڭ باسىن بىرىكتىرىپ، ۇيىمداستىرادى. الداعى ۋاقىتتا يسپانيانىڭ ءار تۇكپىرىندە ديماشتىڭ فاناتتارىنان قۇرالعان توپتار بولادى. وسى جاقتاعى ساپارىمىزدىڭ ءساتتى بولۋىنا ىقپال ەتكەن «تريۋمف Travel» تۋريستىك اگەنتتىگىنە، Sin Fronteras يسپان ورتالىعىنا العىس ايتامىز.

- سۇقباتىڭىز ءۇشىن راقمەت!

BAQ. KZ


باستى سوزدەر: مادةنيةت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات