اياق كيىمنىڭ جاعىمسىز ءيىسىن وڭاي كەتىرۋ جولدارى

نۇر-سۇلتان. قازاقپارات - اياق كيىمنىڭ جاعىمسىز ءيىسى اينالاڭىزداعى ادامدارعا ۇنامايتىنى بەسەنەدەن بەلگىلى، ال ءسىزدىڭ ابىرويىڭىز سول ءيىس ءۇشىن دە تومەندەپ قالۋى بەك مۇمكىن.

ءتىپتى ەڭ قىمبات دەلىنگەن اياق كيىمدەردىڭ دە جاعىمسىز ءيىسى بولادى. ال ىستىق مەزگىلدە بۇل ءقاۋىپ تونە تۇسەدى.

ءيىس نەدەن پايدا بولادى؟

جاعىمسىز ءيىس اياق كيىم ەگەسىنىڭ كوپ تەرلەيتىندىگىنەن شىعادى. كوپ ۋاقىت جاياۋ جۇرگەندە نەمەسە ىستىق تەمپەراتۋرادا اعزا سۋىقتاپ، قىسىمعا تۇسكەن بۇلشىقەتتەر ءسول بولەدى. ادامنىڭ اققان تەرىنىڭ 98 پايىزى سۋدان، ال قالعان ەكى پايىزى تۇز، قىشقىل، ميكروەلەمەنتتەردەن، گورموندار مەن حولەستەريننەن تۇرادى. وسى قۇرامدار وزدىگەن جاعىمسىز ءيىس شىعارا الماسا دا، ىلعالدى جاعدايدا باكتەريالاردىڭ «قۇربانىنا» اينالادى. ءسويتىپ، تەر اياق كيىم مەن شۇلىققا جامان ءيىستى جۇقتىرادى. اياقتىڭ ساسىماۋى ءۇشىن ونى تازا ۇستاپ، قاجەتتى كەزدە اياق كيىمدى تازالاپ تۇرۋ كەرەكتىگىن ءبىزسىز دە بىلەسىز.

اياقتى تازا ۇستاڭىز

قانشالىقتى جاۋىر ەستىلسە دە، اياقتى ءبىر كۇندە ءبىر رەت سابىنداپ جۋىپ تۇرۋىڭىز كەرەكتىگىن ايتۋىمىز قاجەت. ال جۋىپ بولعان سوڭ اياققا ارنالعان ورامالمەن، اسىرەسە باشپاي اراسىن جاقسىلاپ ءسۇرتۋىڭىز كەرەك. ەگەر اياعىڭىز ءجيى تەرلەيتىن بولسا ساليتسيل مەن تالك سەۋىپ، دەزودارانت شاشىڭىز. بۇل قۇرالدار باكتەريالاردى ولتىرەدى.

سونىمەن قاتار، اياقتى شايمەن، ەمەن قابىعىمەن، ليمون قىشقىلىمەن جانە اس سوداسىمەن جۋىپ-شايىپ تۇرىڭىز.

تەر كوپ ءجۇرىپ، كۇننىڭ ىستىعى كەزىندە عانا شىعادى دەسەڭىز دە قاتەلەسەسىز. ولارمەن قاتار ادامنىڭ سترەسستىك جاعدايلارعا دا دۋشار بولۋىنان اياق تەرلەپ، جاعىمسىز ءيىس شىعۋى مۇمكىن. دەنەڭىز تەرلەپ، دۋشقا تۇسەتىنىڭىز سياقتى، اياقتىڭ دا تەرلەگەن كەزىندە جۋىپ تۇرۋىڭىز مىندەتتى. ول ءۇشىن جۇمىستا كيەتىن، ۇيدە كيەتىن اياق كيىمدەر مەن شۇلىقتاردى بولەك الىپ ءجۇرىڭىز، ولاردى ءجيى اۋىستىرىپ تۇرۋدان دا ەرىنبەڭىز.

ەگەر اياعىڭىزدىڭ تەرلەۋىنە قارسى جاسالعان شارالاردىڭ ەشقايسىسى دا پايدا اكەلمەسە دارىگەرمەن كەڭەسىپ، قاجەتتى پرەپاراتتار ساتىپ الىڭىز. جاعىمسىز ءيىس اۋرۋعا شالدىققاننىڭ كورسەتكىشى بولۋى دا مۇمكىن.

اياق كيىمدەگى شۋاش ءيىستى قالاي تازارتۋ كەرەك؟

اياق كيىمگە كوڭ ءيىس ءسىڭىپ قالعاندا جالعىز گيگيەنالىق شارالارمەن شەكتەلىپ قالۋعا بولمايدى، ونىمەن بىرگە اياق كيىم تازالىعىنا دا كوڭىل ءبولۋ كەرەك. ءبىرىنشى كەزەكتە اياق كيىمنىڭ ۇلتاراعىن اۋىستىرىڭىز. ەڭ كوپ باكتەريا سول ۇلتاراقتا جينالادى. ال كەيبىر اياق كيىمدەردى: كروسسوۆكا مەن كەدالاردى جۋۋعا دا بولادى. ال باسقا اياق كيىم تۇرلەرىن ىلعال شۇبەرەكپەن دۇرىستاپ ءسۇرتىپ شىعىڭىز.

اياق كيىمنىڭ ءيىسى قاتتى ءسىڭىپ، ءجاي عانا جۋۋدان كەتپەي قويسا سىركە سۋىن سۋمەن ارالاستىرىپ ءبىراز ۋاقىتقا سالىپ قويىڭىز. مارگانەتس، سۋتەك توتىقتارىمەن، ءتىپتى بولماسا فورميدرونمەن ىشكى بولىگىن ءسۇرتىڭىز. ەتىكتىڭ شۋاشىن كەتىرۋ ءۇشىن ونىڭ ىشىنە توتىقتى قۇيىپ، ول كوبىكتەنىپ بولعان سوڭ توگىپ تاستاپ، كەپتىرىڭىز. ال كوك شايدىڭ ميكروورگانيزمدەردى ولتىرەتىن قاسيەتى بار. قايناتىلعان سۋعا كوك شاي سالىندىسىن سالىپ، اياق كيىم ءىشىن جۋىڭىز. وسى شارالاردان كەيىن اياق كيىمدى جاقسىلاپ كەپتىرىڭىز. مۇساتىرلى سپيرتپەن دە اياق كيىمدى تازالاۋعا بولادى. ءبىراق ءۇي ىشىندە ءيىس بولماۋى ءۇشىن دالاعا بارىپ تازالاعانىڭىز ءجون.

سۋلى پروتسەدۋرالاردان باس تارتساڭىز، قۇرعاق جاسالاتىن تازالاۋ ادىستەرىنە سۇيەنسەڭىز بولادى. پوليەتيلەن پاكەتىنە اياق كيىمدى وراپ، توڭازىتقىش ىشىنە سالىپ، ءبىر كۇن كۇتسەڭىز دە ءيىس كەتۋى كەرەك. ءبىراق لاكتالعان اياق كيىمدەردى سۋىققا سالۋعا بولمايتىنىن ەسكەرىڭىز.

تازا ۇستاۋدىڭ امالدارى

الدەقايدان كەلگەنىڭىزدە اياق كيىمنىڭ باۋىن اعىتىپ، اشىپ قويعانىڭىز ءجون. سوندا ونىڭ ىشىنە اۋا كىرىپ، جاعىمسىز ءيىستى كەتىرەتىن بولادى. سونىمەن قاتار، ءبىر اياق كيىمدى قۇتتى كۇنى كيە بەرمەۋ دە كەرەك. اياق كيىمدى شەشكەن سوڭ ونى بىردەن اياق كيىم سورەسىنە نەمەسە قوراپقا سالماڭىز. ش ۇلىقتى دا كروسسوۆكا ىشىنە سالىپ قويۋعا كەڭەس بەرمەيمىز.

دەرەككوزى: لايفحاك