جەردى اينالۋدان رەكورد ورناتقان حالىقارالىق ەكيپاج ۇشاعى نۇر- سۇلتاندا جانارماي قۇيدى

None
None
نۇر- سۇلتان. قازاقپارات - جەردى تەز اينالىپ ءوتۋدى كوزدەگەن اۋە كەمەسى ا ق ش- تىڭ فلوريدا شتاتىنان شىعىپ، العاشقى نۇكتە رەتىندە نۇرسۇلتان نازاربايەۆ اۋەجايىنا قوندى.

25,5 مىڭ ليتر جانارماي قۇيىپ، ءارى قاراي ماۆريكي ارالدارىنا جول تارتقان.


46 сағат 39 минут: Рекорд орнатқан халықаралық экипаж ұшағы Нұр-Сұлтанда жанармай құйды


«نۇرسۇلتان نازاربايەۆ اۋەجايى» ا ق باسقارما ءتوراعاسى راديبەك ءاديمولدانىڭ ايتۋىنشا، حالىقارالىق ەكيپاج اۋەجايدان 25,5 مىڭ ليتر جانارماي قۇيعان. ەلوردادا 45 مينۋت ۋاقىت بولىپ، ءارى قاراي ۇشىپ كەتكەن. ولار 11 جىلعى بۇرىنعى رەكوردتى 6 ساعات ايىرماشىلىعىمەن ورناتقان.

«الدىمەن، استانامىزدى قۇتتىقتاعىم كەلەدى. 2008 -جىلى ەكى پوليۋس ارقىلى جەر شارىن جىلدام اينالىپ وتكەن رەكورد بولاتىن. بيىل ول رەكورد 6 ساعات ايىرماشىلىعىمەن جاڭاردى. نۇر- سۇلتانداعى اۋەجاي وسى اۋە كەمەسىنىڭ العاشقى توقتاۋ نۇكتەسى بولعانىنا قۋانىشتىمىز. وسىلايشا، ءبىزدىڭ اۋەجاي الەمدىك اۆياتسيا تاريحىنا ەندى.

Gulfstream G650 بورتى - ەكسكليۋزيۆ، وتە جاقسى ۇشاق. ا ق ش- تا جاسالعان. نۇرسۇلتان نازاربايەۆ اۋەجايىنا تاڭعى ساعات 7.47-دە قوندى، ساعات 8.32-دە ۇشىپ كەتتى. ولاردىڭ قويعان ستاندارتتارى، ءبىزدىڭ نورمالارىمىزعا سايكەس كەلدى. ءبىزدىڭ اۋەجايدى تاڭداۋى حالىقارالىق اۋەجاي تالاپتارىنا تولىق ساي كەلۋىندە بولىپ وتىر. سوندىقتان ولار العاشقى تەحنيكالىق جانارماي قۇيۋ نۇكتەسى رەتىندە ءبىزدىڭ اۋەجايعا قوندى. ولار 25,5 ليتر جانارماي قۇيىپ الدى. ەندى ول كەلەسى نۇكتەگە دەيىن جەتەدى. ۇشاق ەڭ جاقىن تراەكتورياعا كىرىپ، تەز جانارماي قۇيىپ، بىردەن ۇشىپ كەتتى. ەكيپاج اۋەجايدا العان تەحنيكالىق كورسەتكىشتەرگە ريزا بولىپ كەتتى»، - دەدى ول.

ۇشاق ا ق ش- تىڭ فلوريدا شتاتىنان شىعىپ، نۇر- سۇلتاندا جانارماي قۇيىپ الدى. ءارى قاراي ماۆريكي ارالدارىنا، كەيىن چيلي اۋەجايىنا توقتادى. ءسويتىپ وڭتۇستىك جانە سولتۇستىك پوليۋستى اينالىپ، فلوريداعا قايتىپ بارادى. حالىقارالىق ەكيپاج وسىلاي الەمدىك رەكوردتى جاڭارتىپ وتىر. ۇشاق ا ق ش- تا جاسالعانمەن، بورت قاتارلىق اۋە كومپانياسىنا تيەسىلى. ەكيپاج قۇرامىندا ا ق ش، وڭتۇستىك افريكا، دانيا، ۋكراينا ازاماتتارى بولعان. نۇر- سۇلتاننان رەسەيلىك عارىشكەر بورتقا ءمىندى.

«ۇشاق Qatar Executive كومپانياسىنىڭ كودىمەن ۇشتى. ۇشۋدى حالىقارالىق ەكيپاج قۇرامى باسقاردى. ونىڭ قۇرامىندا ا ق ش، وڭتۇستىك افريكا، دانيا، ۋكراينا ازاماتتارى - نەگىزگى ۇشقىشتار. سونىمەن قاتار، ەكيپاج قۇرامىندا امەريكالىق جانە رەسەيلىك عارىشكەرلەر بولدى. رەسەيلىك عارىشكەر گەنناديي پادالكا وسى بورتقا قازاقستاننان وتىردى»، - دەدى اۋەجاي باسشىسى.

2008 -جىلى TAG Group حولدينگىنىڭ ۇشقىشتارى جەر شارىن 52 ساعات 32 مينۋتتا 882 ك م/ساع ورتاشا جىلدامدىقپەن رەكورد ورناتقان. بيىل Qatar Executive كومپانياسىنىڭ Gulfstream G650 ER ۇشاعى جەردى ەكى پوليۋس ارقىلى 46 ساعات 39 مينۋت 38 سەكۋندتا اينالىپ ۇشىپ، 11 جىل بۇرىنعى رەكوردتى جاڭارتتى.

راحيليا بەكنازار قىزى

https://baq.kz/

سوڭعى جاڭالىقتار