+7 (701) 759 90 19 Лента
31 °С : نۇر-سۇلتان
28 °С : الماتى
USD 386.34 EUR 427.25
RUB 5.88 CNY 54.57
جاڭالىقتار

قازاقستاندا ەڭ كوپ ساتىلعان كولىكتىڭ ورتاشا قۇنى قانشا؟

16 شىلدە 12:45
:ءبولىسۋ
قازاقستاندا ەڭ كوپ ساتىلعان كولىكتىڭ ورتاشا قۇنى قانشا؟

نۇر-سۇلتان. قازاقپارات - بيىلعى ءبىرىنشى جارتىجىلدىقتا قازاقستان ازاماتتارى 282,5 ميلليارد تەڭگەگە 30 754 جاڭا جەڭىل كولىك جانە جەڭىل كوممەرتسيالىق اۆتوموبيل ساتىپ الدى.

بۇل تۋرالى قازاقپارات ءتىلشىسى «قازاۆتو ونەركاسىپكە» سىلتەمە جاساپ حابارلايدى.

بەلگىلى بولعانداي، جەڭىل كولىكتىڭ ورتاشا قۇنى 8,8 ميلليون تەڭگەنى قۇراپ، وتكەن جىلدىڭ سايكەس كەزەڭىنە قاراعاندا 6 پايىزعا ءوستى.

قازاقستاندا قۇراستىرىلعان كولىكتەر سەگمەنتىندە بۇل كورسەتكىش ورتاشا نارىقتىق دەڭگەيدەن ايتارلىقتاي تومەن بولىپ، 6,6 ميلليون تەڭگە شاماسىندا قالىپتاستى. ال يمپورتتىق كولىكتەردىڭ ورتاشا قۇنى 10,9 ميلليون تەڭگە سوماسىندا تىركەلدى.

«قاڭتار-ماۋسىم ايلارىنىڭ قورىتىندىسى بويىنشا ساتىپ الۋشىلاردىڭ ۇشتەن بىرىنە جۋىعى (%29,3) 5 ميلليون تەڭگەدەن قىمبات ەمەس اۆتوموبيلدەردى تاڭدادى. 5-7 ميلليون تەڭگەگە باعالانىپ، ساتىلعان كولىكتىڭ ۇلەسى 19 پايىزدى (5840 اۆتوموبيل) قۇرادى»، - دەلىنگەن حابارلامادا.

كولىك ساتىپ العانداردىڭ 13,9 پايىزى (4271 كولىك) 7-10 ميلليون تەڭگە ارالىعىنداعى اۆتوماشينالارعا تاڭداۋ جاسادى. سونىمەن قاتار، بيزنەس (10-15 ميلليون تەڭگە) ءارى پرەميۋم ساناتتاعى (15 ميلليون تەڭگەدەن جوعارى) سەگمەنتتەر جاڭا كولىكتەر نارىعىندا سايكەسىنشە 26,9 پايىزدى (8275 كولىك) جانە 10,9 پايىزدى (3348 كولىك) قامتىدى.

ەڭ قولجەتىمدى جەڭىل مودەلدەر رەيتينگىندە ۇسىنىستاردىڭ جارتىسى قازاقستانداعى اۆتووندىرۋشىلەرگە تيەسىلى. ماسەلەن، باعاسى تومەن كولىكتەر اراسىندا 3,1 ميلليون تەڭگەدەن باستالاتىن Lada Granta كوش باستاپ تۇر.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات